Жәабранмзазы Аԥсны афымцамч ахархәара 100 мегаваттк рыла еиҳахеит

24
Процентла еиҿурԥшуазар, ареспубликаҿы афымцамч ахархәара алимит иаԥнагеит 27% рыла.

АҞӘА, жәабран 24 - Sputnik. Жәабранмзазы Аԥсны афымцамч ахархәара 100 мегаваттк рыла еиҳахеит. Арҭ арбагақәа ааган амаининг фермақәа русура аԥкра ахылаԥшра аҭаразы Аминистрцәа реилазаараҿ имҩаԥгаз аусутә еилацәажәараҟны.

Аилацәажәара мҩаԥысуан аԥыза-министр инапынҵақәа назыгӡо Владимир Делба ихантәаҩрала, Аиҳабыра рхаҭарнакцәа, араионқәа рхадацәа, Аҳазалхратә еилакы, Атехникатәи, астандарттәи, ахархәаратәи хылаԥшра рхаҭарнакцәа алархәны.

Аенергетикцәа иазгәарҭеит афымцамч ахархәара иџьоушьаратәы иаалырҟьаны иазҳаит ҳәа. Процентла еиҿурԥшуазар, ареспубликаҿы афымцамч ахархәара алимит иаԥнагеит 27% рыла.

"Ажьырныҳәамзазы ареспубликаҿы ахархәара аҭан 380 мегаватт, ари амзазы – 485 мегаватт. Астанциа маҷқәа зегьы рҿы аноминал иацны аусурақәа мҩаԥысуеит. Аидаратә уадаҩрақәа ирықәшәаны иҟоуп астанциа маҷқәа "Аҟәа-2", "ИЕПИТ", "Баслаҭа". Ԥхьаҟагьы ас иҟалар, аԥкрақәа алагалатәхоит", - ҳәа иҳәеит "Амшынеиқәафымцамч" адиректор хада Михаил Логәуа.

ЕгрыГЕС аремонт цонаҵы ишьақәыргылоуп узхымсша алимитқәа, аҵаратә усбарҭақәа русура ахацыркрагьы азԥхьагәаҭан.

Араионқәа рхадацәа аҳасабырба ҟарҵеит ареидтә уснагӡатәқәа шымҩаԥырго азы.

Иазгәарҭеит аферма дуқәа шаҿыху, аха аферма маҷқәа рзы апроблемақәа шыҟоу.

Аҳазалхратә еилакы ахаҭарнакцәа ирҳәеит Аԥсны ишалгоу 6 000 рҟынӡа акриптовалиута аиуразы аппаратқәа.

Аилацәажәара аихшьаалала Владимир Делба анапынҵа ҟаиҵеит ишалшо ала афымцамч ахархәара еиҵатәызарц, араионқәа рҿы ареидқәа рӷәӷәазарц, араионқәа рыбжьара амаинингфермақәа "рмиграциа" алмыршазарц, иара убасгьы ареспублика амаининг хархәагақәа ралгара ԥкыра аҭамзарц.

Иара убас шәаԥхьар ҟалоит:

24

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

11
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

11