Республиканская больница.

Ареспубликатә хәышәтәырҭа анапхгара ауаажәлар рахь аҳәамҭа ҟарҵеит

28
(ирҿыцуп 10:07 25.02.2021)
Ареспубликатә хәышәтәырҭа аҳақьым хада Аполлон Гәыргәлиеи ихаҭыԥуаҩ Георги Воубеи рнапынҵатә мчрақәа ирхыҳәҳәеит ҳәа агәҩара ыҟоуп. Апрокуратура хада абри азы аусҭҵаара хацнаркит.

АҞӘА, жәабран 25 - Sputnik. Ареспубликатә хәышәтәырҭа аҳақьым хада Аполлон Гәыргәлиеи ихаҭыԥуаҩ Георги Воубеи рганахьала ихацырку ашьаус азы ауаажәлар рахь аҳәамҭа ҟарҵеит.

"Сганахьала ашьаус хацыркуп "ахатәтәреи аныхреи" рыхәҭаҷ ала, схаҭыԥуаҩ ари ацәгьаҟаҵара мчыла садигалеит ҳәа азыԥхьаӡаны. Иазгәасҭар сҭахуп, сара хаала акә, мчыла акә ацәгьа зурҟаҵар ауа аӡә сакәым", - ҳәа иҳәеит "Абаза-ТВ" аефир аҿы Аполлон Гәыргәлиа.

Иара иажәақәа рыла, ашьаус ҵаҵӷәыс иамоу – Ареспубликатә хәышәтәырҭа алабораториеи еиҭеиҿкаау "Савитар" аусзуҩцәа еиҿыркааз алабораториеи реимак ауп. Гәыргәлиа ишиҳәо ала, аимак ахы акхьан 2016 шықәсазы, иара ихаҭа Апарламент адепутатс даныҟаз аамҭазы.

"Ареспубликатә хәышәтәырҭаҿы аус зуанаҵы ари азҵаара аӡбара сҽазысшәон. Аамҭа ишаҳнарбаз аиԥш, бзиарак ҟауҵар уҭаххаргьы, уи уахьзырхәуа мышкызны ицәырҵуеит. Аҳақьым изанааҭ еиԥш, апрокурор изанааҭгьы аҭакԥхықәра ду адуп ауаа рлахьынҵа аԥымҽразы. Ари сара ҳақьымк иаҳасабала адагьы, абык, абдук иаҳасабала исҳәоит. Агәра згар сҭахуп аҳәынҭқарратә мчрақәа аус иашала иазнеип ҳәа. Исҳәар сылшоит сыламыс аҿаԥхьа сыцқьоуп, аӡәы итәы сымгацт ҳәа. Уи акәым, лафынгьы абас рҳәалоит, "хәыда-ԥсада аоперациа ҟазҵар зҭаху Гәыргәлиа иахь шәнеи" ҳәа", - азгәеиҭоит иара.

Аҳақьым хада ихаҭыԥуаҩ Георги Воуба иазгәеиҭеит аӡәы ацәгьаршра иирҟаҵазшәа ма Ареспубликатә хәышәтәырҭа ахыбра арендла аҭиразы аилаӡара мчыла аӡәы инапы иаҵаирҩызшәа, ахԥатәи ахаҿқәа  ареактивқәа риҭазшәа, Аполлон Гәыргәлиа мчыла ацәгьоура ирҟаҵаразы абџьар ихы иаирхәазшәа ихарарҵо акгьы ҵаҵгәык шамам.

Иара иҳәеит инапы иану ахәышәтәратә процесс аиҿкаареи имҩаԥырго аҭҵаарақәа рхаҭабзиара ахылаԥшра аҭареи шракәу.

"Сара мап ацәыскуеит Ареспубликатә хәышәтәырҭа аматериалтә аиԥш аҽа ԥхасҭак аҭараҿы салахәуп ҳәа ирҳәо. Сыԥсҭазаара зегьы, ҳақьымк, тәылауаҩык иаҳасабала ҳмедицина ашьҭыхра иазкуп", - ҳәа иҳәеит иара.

Воуба дақәшаҳаҭым Апрокуратура хада ахымҩаԥгашьа, аусҭҵаараан апроцессуалтә еилагарақәа ыҟан ҳәа ишьаны.

Иара атәыла ахада иахь аҳәара ҟаиҵеит Апрокуратура хада ахымҩаԥгашьа ахәшьара аиҭарц, амедицинатә еилазаара апрофессионалтә ҳаҭыр, ахьӡ-аԥша ладырҟәит ҳәа иԥхьаӡаны.

"Сганахьала иныҭкааны, инарҵауланы, аобиектив ҟазшьа аманы аусҭҵаара амҩаԥысра сашьҭоуп. Хаҭала сара сақәшаҳаҭуп аус зуа Аԥсны азакәанԥҵара сықәныҟәаны иахәҭоу ацхыраара абри аус аҿы аҭара", - ҳәа иҳәеит Воуба.

Ареспубликатә хәышәтәырҭа аҳақьым хада Аполлон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы. Апрокуратура хада аинформациала, ахәышәтәырҭа аҳақьым хада Аполлон Гәыргәлиеи, ихаҭыԥуаҩ Георги Воубеи, анаплакҩы Аслан Цкәуеи аиқәшаҳаҭра рыбжьарҵеит. Уи инақәыршәаны Цкәуа хнырҳәрада иҭан ареагентқәа, ареспубликатә биуџьет аԥарақәа - 1 262 456 мааҭ рыхә ала иаахәаз. Ареагентқәа ахәышәтәырҭа апациентцәа алабораториатә маҵзурақәа рзымҩаԥгаразы ахә ахыршәаар акәын.

Жәабран 15 рзы имҩаԥган аҳәынҭқарратәи азинтәи политиказ апарламенттә еилакы аилатәара, Гәыргәлиеи Воубеи раанкыларазы азинхьчаҩцәа рхымҩаԥгашьаз ареспублика амедицинатә еилазаара атәыла ахадеи Апарламенти рахь ашәҟәы анынарышьҭ ашьҭахь.

Иара убри амш азы Аҟәатәи ақалақьтә ӡбарҭаҿы иазыӡырҩын Апполон Гәыргәлиеи Георги Воубеи рдукатцәа рышшыԥхьыӡ, Апрокуратура хада аусҭҵааҩ Наур Қриа ашьаус хацырктәуп ҳәа идикылаз ақәҵара аганахьала.

Жәабран 19 рзы Аҟәатәи ақалақьтә ӡбарҭа аӡбаҩцәа, Екатерина Ҭырқьԥҳа зхантәаҩраҿы дыҟаз, Апполон Гәыргәлиеи, Георги Воубеи, Аслан Цкәуеи рганахьала аусҭҵаара азакәаншьаҭа амоуп ҳәа азгәарҭеит.

Иара убас шәаԥхьар ҟалоит:

  • Адепутат Ареспубликатә хәышәтәырҭа анапхгара рганахьала аус ҭиҵааит

28

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Бибилов иҳәеит Бжьаниеи иареи злацәажәараны иҟоу азҵаарақәа рыӡбахә

2
2005 шықәса цәыббрамзазы Аԥсны Аҳәынҭқарреи Аахыҵ Уаԥстәылеи аусеицуразы аиқәшаҳаҭра рыбжьарҵеит.

ГАГРА, цәыббра 27 - Sputnik, Бадри Есиава. Аекономика, акультура, аспорт, аҵарадырра уҳәа ирылацәажәараны иҟоуп Аԥсни Аахыҵ Уаԥстәылеи рхадацәа. Абри атәы ажурналистцәа ирзеиҭеиҳәеит Анатоли Бибилов.

"Сара ара Аԥсны ахада Аслан Бжьаниа иааԥхьарала сыҟоуп. Ҳара ҳрылацәажәараны ҳаҟоуп аекономикатә ҿиара, акультура, аспорт, аҵарадырра уҳәа аусхкқәа", - ҳәа иҳәеит Бибилов.

Иара иазгәеиҭеит Аԥсни Аахыҵ Уаԥстәылеи рыбжьара аешьаратә еизыҟазаашьақәа аибашьра ҟалаанӡагьы аҿиара аманы ишыҟаз, ажәытә аамҭақәа раангьы аҿиара шрымаз.

Бибилов иҳәеит ԥхьаҟагьы арҭ аизыҟазаашьақәа еиҳагьы иҭбаахап, иҵауылахап ҳәа агәра шиго.

Аахыҵ Уаԥстәыла ахада Анатоли Бибилов Аԥсныҟа дааит цәыббра 27 азы Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа ихы рылаирхәырц.

Аҳәааҿы асасцәа ирԥылеит Аԥсны ахада ихаҭыԥуаҩ Бадра Гәынба, Адәныҟатәи аусқәа рминистр Даур Ақаҩба, Гагра араион ахада ихаҭыԥуаҩ Алхас Барцыц.

Ашәахьа цәыббра 27 рзы, Анатоли Бибилов напхгара зиҭо Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.

Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәо агәалашәаратәи аныҳәатәи усмҩаԥгатәқәа.

 

2