Урыстәыла Ацҳаражәҳәарҭа Аконсултә ҟәша атәылауаа рыдкылара иалагоит

26
(ирҿыцуп 15:08 26.02.2021)
Акоронавирус аламырҵәаразы Аконсултә ҟәша атәылауаа рыдкылара иалагоит амедицинатә сабрадақәа рҿаҵаны, фҩы-фҩы иреиҳамкәа аамҭак азы.

АҞӘА, жәабран 26 - Sputnik. Урыстәыла Ацҳаражәҳәарҭа Аконсултә ҟәша атәылауаа рыдкылара иалагоит хәажәкыра 1 инаркны ҳәа аҳәоит Ацҳаражәҳәарҭа Facebook аҿтәи адаҟьаҿы.

Иазгәаҭоуп хәышықәсатәи атәылауаҩшәҟәқәа рзы анкетақәа рыдкылара шымҩаԥырго ашәахьа–ахәаша асааҭ 9.00 - 13.00 рзы.

2020 шықәса абҵара 18 инаркны ԥхынҷкәын 24 рҟынӡа анкета аҭаразы ашәҟәы иану атәылауаа ишьақәыргылоу аграфик ала ирыдыркылоит.

График приема

2021 шықәса ажьырныҳәа 11 инаркны анаҩсгьы анкета аҭаразы ашәҟәы иану атәылауаа хәажәкырамза анҵәамҭазы ирыдыркылоит.

  • Ирхиоу хәышықәсатәи атәылауаҩшәҟәқәа рырҭалоит ашәахьа-ахәаша, асааҭ 14.00 -17.00 (ахәаша 16.00 сааҭ рҟынӡа).
  • Абиометриатә тәылауаҩшәҟәқәа разырхиареи ирхиоу абиометриатә тәылауаҩшәҟәқәа рыҭареи мҩаԥыргоит ашәахьа – ахаша, асааҭ 9.00 -17.00 сааҭ рзы ( аԥсшьараамҭа 13.00-14.00).
  • Атәылауаҩра аиурази аконсултә ҭагаларази адкылара ҟалоит ашәахьа–ахаша, асааҭ 9.00 - 17.00 рзы (13.00-14.00 аԥсшьараамҭа), ахәаша асааҭ 9.00 - 12.45.
  • Алегализациа, анотариат, АҬАР, авизақәа роура, аршаҳаҭгақәа роура рызҵаарақәа рзы адкылара мҩаԥысуеит ашәахьа – ахәаша асааҭ 9.30 - 12.45 рзы.

Акоронавирус аламырҵәаразы Аконсултә ҟәша атәылауаа рыдкылара амедицинатә сабрадақәа рҿаҵаны, фҩы-фҩы иреиҳамкәа аамҭак азы шакәу ишымҩаԥырго азы адырра ҟанаҵоит Ацҳаражәҳәарҭа. Ахьҭалалара ҟазшьа змоу ахаҿқәа рыдыркылом.

26

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау

Едуард Быҭәба Гәдоуҭатәи ахәышәтәырҭа даҭааны аусушьа гәеиҭеит

8
(ирҿыцуп 19:59 15.05.2021)
Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы Аԥсны Аҳәынҭқарра ахада иусԥҟа инақәыршәаны.

АҞӘА, лаҵара 15 – Sputnik. Аԥсны агәабзиарахьчара аминистр Едуард Быҭәба Гәдоуҭатәи араионтә хәышәтәырҭа хада даҭааит ахәаша лаҵара 14 рзы ҳәа аҳәоит Аԥсуа телехәаԥшра адырраҭара.

Иара игәеиҭеит ахәышәтәырҭа ашҭаҿы игылоу акоронавирус азы анализқәа ахьрыдыркыло аҭыԥ, адкыларҭа, апалатақәа. Ахәышәтәырҭа аусзуҩцәа аминистр изеиҭарҳәеит акоронавирустә инфекциа злоу апациентцәа, убарҭ рхыԥхьаӡараҿы COVID-19 адиагноз ззықәыргылоу зцәазтәым аҳәсагьы, рыхәышәтәра шеиҿкаау.

Быҭәба иара убас игәеиҭеит аҵәыҵәри анашьҭразы еиқәыршәоу астанциа, уантәи ауп аковид-госпиталь апалатақәа рахь аҵәыҵәри зланеиуа. Игәеиҭеит аҳауеиҭарсра асистема шыҟам, уи азҵаара шыӡбатәугьы азгәеиҭеит.

Иҷыдоу ахыхьчага маҭәа ишәҵаны аминистр "азона ҟаԥшь" ахь днеит, хаҭала апациентцәа рҭагылазаашьа ибарц, драцәажәарц азы. Иара дразҵаауан иаҭаху зегьы рымоу ирымаму, иаарласны ргәабзиара шьақәгыларц рзеиӷьеишьеит.

"Анцәа иҳәааит иаарласны шәгәы бзиахо, уи ауп зегь реиҳа ихадоу. Шәҭаацәа рахь ԥшӡала шәхынҳәааит. Ҳара, ҳколлегацәа, аҳақьымцәа, ҳашәзыӡырҩлоит, ишәҭаху аҿы ҳшәывагылоит", - иҳәеит аминистр.

Аԥсуа телехәаԥшра анҵамҭаҿы иара убас иарбоуп Едуард Быҭәба амедицинатә усзуҩцәа рџьабаазы иҭабуп ҳәа шреиҳәаз, агоспитальгьы лассы-лассы даҭаалоит ҳәа ажәа шриҭаз, аҳақьымцәеи ахәышәтәырҭа анапхгареи иареи аусутә еиԥыларақәа мҩаԥаагалоит ҳәа шиҳәаз.

Гәдоуҭатәи араионтә хәышәтәырҭа аҳақьым хада Ҳаџьараҭ Шамба лаҵара 14 рзы иҟаиҵаз адыррала, аковид-госпиталь аҿы ишьҭоуп акоронавирустә инфекциа злоу апациентцәа 38-ҩык, урҭ рахьтә 16-ҩык рҭагылазаашьа бааԥсуп. Иара убас ара ареабилитациа иахысуеит COVID-19 иаиааихьоу 11-ҩык апациентцәа.

Аԥсуа телехәаԥшра аматериал аҿы иара убас иазгәаҭоуп агәабзиарахьчара аминистр атәыла амедусҳәарҭақәа зегьы дырҭааны рҭагылазаашьа гәеиҭарц игәы ишҭоу.

Аԥсны Аҳәынҭқарра ахада иусԥҟа инақәыршәаны Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы. Иара диԥсахит зхатәгәаԥахарала змаҵура аанзыжьыз Ҭамаз Ҵахнакьиа.

8
Атемақәа:
Аҿкычымазара – акоронавирус Аԥсни адунеи аҿи: иалкаау