Бжьаниа ипресс-маҵзура аоппозициаа рҳәамҭа ахҳәаа анаҭеит

16
(ирҿыцуп 16:35 26.02.2021)
Жәабран 23 рзы Аԥсны ахада Ихаҭыԥуаҩ Бадра Гәынба аиԥылара мҩаԥигеит еиуеиԥшым аполитикатә партиақәа, ауаажәларратә усзуцәа рхаҭарнакцәа, аҭҵаарадырратә, арҿиаратә интеллигенциа ахаҭарнакцәа алархәны.

АҞӘА, жәабран 26 - Sputnik. Аԥсны ахада Аслан Бжьаниа ипресс-маҵзура ауаажәларратә еиҿкаара "Аидгылара" ахада иҟны Ауаажәларратә хеилак аԥҵара атемала имҩаԥгаз аилацәажәара аусура аҽаламырхәразы иҟанаҵаз аҳәамҭа ахҳәаа анаҭеит.

"Аԥсны ахада иҟны Ауаажәларратә хеилак аԥҵара атемала имҩаԥгаз аилацәажәара аусура рхы аладырхәит шамахамзар аполитикатәи ауаажәларратәи еиҿкаарақәа. Аилацәажәара ахы аланамырхәит ауаажәларратә еиҿкаара "Аидгылара", уи аламҭалаз ахы заланамырхәыз азы амзызқәа азгәаҭаны. Урҭ акыр иџьшьатәуп", - азгәаҭоуп ирыларҵәо ахҳәааҿы.

Апресс-маҵзура азааҭгылеит "Аидгылара" амзызқәа ируакны ишазгәанаҭаз 2020 шықәса ԥхынҷкәын 25 рзы ахада даналырхуаз адгылара изҭаз апартиақәеи аиҿкаарақәеи рхаҭарнакцәа дахьырԥылаз. Дара уи ажәлар реиҟәшареи аиҿагылара арцыхцыхреи ирзырханы иршьеит. Ахада Иусбарҭаҿы ари аҩыза агәаанагара иашам ҳәа иазырыԥхьаӡоит, Бжьаниа аус ицыруырц азы змаҵурақәа ирызныжьыз уаанӡатәи анапхгара иалахәыз ачынуаа рсиа ааргоит.

Аиԥылара ахаҭа акәзар, ҳәа рҳәоит апресс-маҵзураҿы, ахада азин имоуп аполитикатә еиҿкааратә гәыԥқәа реиԥш хаҭа-хаҭала аполитикатәи ауаажәларратәи усзуҩцәа дырԥыларц, уи иаанагом егьырҭ зегьы аҳәынҭқарратә зҵаарақәа рыӡбара иалархәхом.

"Цқьа иаҳзеилкаауам политикатә еиҿкаарақәак рхаҭарнакцәа рԥылара ауаажәларра зеиҟәнашо, аиҿагыларахь изкылнаго" ҳәа ҳәоуп аҳәамҭаҿы.

Бжьаниа Иусбарҭа ақәшаҳаҭым "Аидгылара" Аслан Бжьаниа аоппозициа данраԥхьагылаз ари аҩыза аконсультативтә плошьчадка аԥҵара даҿагылан ҳәа ихарарҵо ахара.

"Аидгылара" ахада иахь аоппозициаа рызҵаарақәа 33 ракәзар, рҭакқәа хара имгакәа акьыԥхь ахь ицәыргахоит.

Апресс-маҵзура аҳәамҭа хыркәшо алкаа ҟанаҵоит: "Аидгылара" аилацәажәара залахәымыз ҳәа зыӡбахә аҳәо амзызқәа ихыҭхәыцаау роуп, аиҿкаара аконструктивтә диалог ахалархәра шаҭахым аадырԥшуеит.

Апресс-маҵзура азхьаԥшра анаҭеит апартиа ФНЕА ахада Аслан Барцыц аилацәажәара ашьҭахь ажурналистцәа инаҵшьны иреиҳәаз: "насыԥны иҟалон ари аҩыза шықәсык аԥхьа имҩаԥгазҭгьы, егьыс иаҳцәыӡыз алшарақәа ираамҭахеит" ҳәа.

"Аполитикатә партиа аиҳабы изымдыруа дыҟам арҭ амзақәа рзы Аԥснеиԥш адунеи зегьы аҿы инарҭбаау аиԥыларақәеи аилацәажәарақәеи рзин шыҟамыз. Апандемиа иахырҟьаны адунеитә саммитқәа, жәларбжьаратә еиҿкаарақәа реиԥыларақәа, егьырҭ афорумқәа мҩаԥыргомызт. Урҭ ҿырԥштәны иаагоит иҟаз ашәарҭара азгәаҳҭарц", - рҳәеит амаҵзураҿы.

Аԥсны ахада Аслан Бжьаниа ипресс-маҵзура иазгәанаҭеит аҽазныкгьы ахада иарбанызаалак аформала адиалог дшазыхио атәыла аизҳазыӷьарази ауаажәларра рҭышәынтәаларази.

16

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9