Бжьаниа хаҭала игәеиҭеит акриптофермақәа раҿыхра шымҩаԥысуа

25
(ирҿыцуп 20:24 26.02.2021)
Жәабранмзазы Аԥсны афымцамчхархәара 100 мегаваттк рыла еиҳахеит. Арҭ арбагақәа ааган Аминистрцәа реилазаара инарҭбаау аилатәараҿы.

АҞӘА, жәабран 26 - Sputnik. Аԥсны ахада Аслан Бжьаниа аус зуаз амаининг ферма ахьырыԥшааз аҭыԥ аҿы аӡәгьы игәы иҽанӡамкәа днеиит ҳәа аанацҳауеит ахада ипресс-маҵзура.

Аферма, 300 маининг-аппарат аус ахьыруаз Гәылрыԥшь араион, Бабышьра аҳабла акаҭрантә зауад аҵакыраҿы иаарԥшын.

Ахада адҵа ҟаиҵеит ахархәагақәа ықәгазарц, Гәылрыԥшь араион ахада инапы ианиҵеит ақыҭа ахада имаҵура дамихырц.

Уи адагьы аҩныҵҟатәи ауқәа рраионтә ҟәшақәа рхадацәеи ашәарҭадаратә маҵзура араионтә ҟәшақәа рнапхгаҩцәеи лахь рыҭан.

Аслан Бжьаниа иара убасгьы днеиит жәабран 24 рзы Очамчыра уаанӡатәи ачаифабрика аҵакыраҿы иаарԥшыз акриптоферма ахьыҟаз аҭыԥ ахь.

Амилициа араионтә ҟәша аиҳабы Леуан Аҳәба ахада иеиҳәеит адокументқәа инарықәыршәаны аферма зхатәу Баслахә ақыҭан инхо Давид Гогьиа иоуп ҳәа. Афермаҿ аус руан 1900 маининг-аппарат, иқәгылан атрансформаторқәа ԥшьба.

Аҳәынҭқарра ахада адҵа ҟаиҵеит хымш рыҩныҵҟала ахархәагақәа ықәыргарц.

Убри аан иҟоуп азинхьчаратә усбарҭақәа ринформациа – аферма зтәу ҽаџьоукуп ҳәа. Аслан Бжьаниа иҳәеит аферма иадҳәало ауаа рхаҭарақәа шьақәыргылазарц.

"Урҭ рыбжьара амаҵзурауаа ыҟазар, асиақәа азшәырхиа. Ариаҟара аҳақәа ироуа ақәыӷәӷәара иахҟьаны акомпиутертә томограф аус ауам, ахьҭа иакуеит ахәыҷқәа, абыргцәа. Аус руам алифтқәа. Асеиԥш закәаншьаҭада ари аус ԥеиԥш амам", - иҳәеит Бжьаниа.

Ахада ицын ахада Иусбарҭа анапхгаҩы ихаҭыԥуаҩ Џьансыхә Нанба, Аҩныҵҟатәи аусқәа рминистр ихаҭыԥуаа Руслан Ажьиба, Рашь Ҵәыџьба, Аԥсны АШәМ ахаҭарнакцәа, Гәылрыԥшь араион ахада Аслан Бараҭелиа.

25
Атемақәа:
Аԥсны амаинингтә фермақәа раҿыхра (78)

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3