Ашәарҭадареи азинеиҿкаареи: Дбар инапынҵақәа рынагӡаразы 30 мшы риҭеит инапаҵаҟа иҟоу

18
(ирҿыцуп 13:24 02.03.2021)
Аԥсны Аҩнуҵҟатәи аусқәа рминистр Дмитри Дбар аусутә еилацәажәара мҩаԥигеит аусбарҭа аппарат хада аҟәшақәа рнапхгаҩцәеи ақалақьтәи араионтәи ҟәшақәа рнапхгаҩцәеи алархәны.

АҞӘА, хәажәкыра 2 - Sputnik. Ареспубликаҿы акриминогентә ҭагылазаашьа азҵаареи атәылаҿ ауаажәларратә шәарҭадареи азинеиҿкаареи рызҵаареи ирылацәажәан Аԥсны Аҩнуҵҟатәи аусқәа рминистр Дмитри Дбар имҩаԥигаз аусутә еилацәажәараҿ. Абри атәы аанацҳауеит аусбарҭа асаит.

Аԥсны ААР ахада аҩнуҵҟатәи аусқәа рықалақьтәии рраионтәии ҟәшақәа рнапхгаҩцәеи урҭ рхаҭыԥуааи, ашьаусԥшаара аҟәшақәа реиҳабацәеи инапынҵақәа рынагӡаразы 30 мшы риҭеит:

  • закәаншьаҭада иҵәаху ма иныҟәырго ихысуа абџьари аџьаԥҳани раарԥшразы аусурақәа рырӷәӷәара;
  • ашьҭазаареи аӡбарҭеи ирцәыбнало ахаҿқәа ахьыҟоу аилкааразы аоператив-ԥшааратә усура арбагақәа ҳараркырц;
  • ауааԥсыра ргәабзиара аҵшәаара иазыхио – закәаншьаҭда анаркотикқәеи, аԥсихотроптә хархәагақәеи реикәыршара, рыҵәахра, раларҵәара, Аԥсны аҵакырахь ралагалара уҳәа ацәгьоурақәа раарԥшра аизырҳара.

Дмитри Дбар иара убасгьы 2021 шықәса хәажәкыра 1 азтәи аихшьаалақәа рыла адҵа ҟаиҵеит аҳасабырба-аналитикатә материалқәа азырхиазарц, хаҭала амҩа-транспорттә ныҟәара ашәарҭадара аиҿкааразы.

Аилацәажәараҿы ишьҭыхын амаининг аусура аанкылареи закәаншьаҭада афымцамчсистема аҿаҽаԥшьоеи рыпроблема. Аминистрра аусзуҩцәа аусурақәа ирыцырҵоит уаанӡа иаҿыхыз амаининг-фермақәа ахылаԥшра рыҭаразы. Арҭ ауснагӡатәқәа рзы хаҭалатәи аҭакԥхықәра рыдҵоуп ақалақьтәии араионтәии ҟәшақәа реиҳабацәа.

Иара убас шәаԥхьар ҟалоит:

18

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4

Аслан Бжьаниа шықәсыктәи иусура: иалкаау ахҭысқәа афотоқәа рҿы

136
Аԥсны ахәбатәи ахада Аслан Бжьаниа инапынҵақәа рынагӡара далагеит мшаԥы 23, 2020 шықәса инаркны. Атәыла ахадас дыҟоуижьҭеи иҵит шықәсык, иусураҿы реиҳа иалкаау ахҭысқәа - Sputnik афотоҭыхымҭақәа рҟны.

2020 шықәса хәажәкырамзазы имҩаԥган Аԥсны ахада иеиҭалхрақәа. Аслан Бжьаниа - 53741 бжьы (56,5%) иманы алхрақәа дыриааиуеит, конкурентс диман уаанӡатәи аекономика аминистр Адгәыр Арӡынба.

Аслан Бжьаниа официалла инапынҵақәа рынагӡара далагеит мшаԥымза 23 инаркны, имҩаԥгаз аинугурациа ашьҭахь. Аҭоубашьҭаҵара мҩаԥган ауаа рацәа адымгалакәа, усҟан Аԥсны иалагалаз акоронавирус аламырҵәаразы аԥкрақәа ирхьырԥшны.

Аслан Бжьаниа Аԥсны ахәбатәи ахада иоуп.

136
  • © Sputnik / Константин Грецов

    Аслан Бжьаниа иҭоубашьҭаҵара ацеремониа мҩаԥысит аҳәаанырцәтәи асасцәа рыда, мшаԥымза 23 рзы, Аҟәа.

  • © Sputnik / Томас Тхайцук

    Аҭоубашьҭаҵара ашьҭахь Аслан Бжьаниа инапаҿы идыркит аҳәынҭқарратә мчра асимволқәа – агерб зну амҳәырқәа, абираҟ, алабашьа, аҳәа.

  • © Sputnik / Томас Тхайцук

    Атәыла ахада иалхрақәа хәажәкыра 22 рзы имҩаԥган. Аслан Бжьаниа - 53741 бжьы (56,5%) иманы алхрақәа рҿы даиааиуеит.

  • © Sputnik / Томас Тхайцук

    Алхрақәа рышьҭахь Аслан Бжаниа раԥхьатәи ипресс-конференциа.

  • © Sputnik / Томас Тхайцук

    Афотожурналист Сергеи Лидов Аслан Бжьаниа ҳамҭас ииҭеит ифотосахьа.

  • © Sputnik / Томас Тхайцук

    Аслан Бжьаниа дахьцалакгьы ицуп имоҭа лҳамҭа - аҵәца.

  • Фотохост-агентство

    Аслан Бжьаниа Аџьынџьтәылатә еибашьра Ду аҟны Аиааира 75 шықәса ахыҵра апарад далахәын Москва.

  • © Foto / Григорий Сысоев

    Аиааира апарад ахь ааԥхьара ииҭеит урыстәылатәи иколлега Владимир Путин. Урыстәылеи, Аԥсни, Таџьыкисҭани, Молдавиеи, Белоруссиеи рхадацәа Идырым асолдаҭ ибаҟа амҵан ашәҭшьыҵәрақәа шьҭарҵеит.

  • © Sputnik / Алексей Никольский

    Аслан Бжьаниеи Владимир Путини Аиааира Ду 75 шықәса ахыҵра аҳаҭыраз имҩаԥгаз ауснагӡатәқәа раан аҟны.

  • © Sputnik / Томас Тхайцук

    Ԥхынгәы 2 рзы Аԥсны ахада Аслан Бжьаниа официалла атәыла ахадас дҟалеижьҭеи раԥхьатәи апресс-конференциа мҩаԥигеит.

  • © Sputnik / Томас Тхайцук

    Ахада ипресс-конференциахь инаԥхьан Аԥсны АИХқәа зегьы.

  • © Sputnik / Томас Тхайцук

    Ҩ-сааҭк инарзынаԥшуа ицоз аицәажәараан Бжьаниа 31 зҵаара рҭак ҟаиҵеит: апандемиеи аекономикеи инадыркны ԥхьаҟатәи аамҭақәа рылацәажәараҟынӡа.

  • © Sputnik / Томас Тхайцук

    Атәыла ахада Аслан Бжьаниа Аԥсны атәылахьчара аминистрра даҭааит.

  • © Foto / Пресс-служба президента Абхазии

    Аԥсны арбџьармчқәа рыдҵаҟаҵаҩ хада Аслан Бжьаниа АШәМ рҽазыҟаҵарақәа дырҭааит.

  • © Foto / пресс-служба Президента Республики Абхазия

    Аслан Бжьаниа аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит.

  • © Sputnik / Томас Тхайцук

    Аԥсны ахада Аслан Бжьаниа Аԥснытәи аҳәынҭқарратә университет аректор, афизика-математикатә ҭҵаарадыррақәа рдоктор, апрофессор Алеко Гәарамиа ииубилеи идиныҳәалеит.

  • © Sputnik / Бадрак Авидзба

    Аԥсны ахада Аслан Бжьаниа дидикылеит Урыстәыла аекономикатә ҿиара аминистр актәи ихаҭыԥуаҩ Михаил Бабич нанҳәа 20 рзы.

  • © Sputnik / Томас Тхайцук

    Аԥсны жәлар рартист Хьыбла Гьерзмааԥҳаи Аԥсны ахада Аслан Бжьаниеи реиԥылара.

  • © Sputnik / Томас Тхайцук

    Бжьаниа даҭааит Гәдоуҭатәи аковид-госпиталь цәыббра 15 рзы. Усҟан атәыла ахада иҳәеит агоспиталь аҿы аус зуа аҳақьымцәа ашәарацҵақәа шрыҭахо.

  • © Sputnik / Томас Тхайцук

    Аԥсны акоронавирустә инфекциа аҿагыларазы ацентр аартын Гәдоуҭатәи ахәышәтәырҭаҿы мшаԥымзазы.

  • © Sputnik / Томас Тхайцук

    Аԥсны ахада Аслан Бжьаниа аԥснытәи аҳақьымцәа аҳаҭыртә шәҟәқәеи аҳамҭақәеи ранеишьеит.

  • © Foto / Пресс-служба Президента РА

    Абҵара 12 рзы Шәача имҩаԥысит Аԥсны ахада Аслан Бжьаниеи Урыстәыла ахада Владимир Путини реиԥылара. Ахадацәа реиҿцәажәара хсааҭк инарзынаԥшуа ицон.

  • © Sputnik / Томас Тхайцук

    Аԥсны ахада Аслан Бжьаниа ажьырныҳәа 22 рзы адҵа ҟаиҵеит амчыбжь нҵәаанӡа афымцамчхара ахархәара еиҵартәырц, уи азы араионқәа зегьы рҿы аштабқәа еиҿкаазарц амаининг фермақәа ахьыҟоу аарԥшрази раҿыхрази.

  • © Sputnik / Томас Тхайцук

    АУН "Амшынеиқәафымцамч" адиректор хада Михаил Логәуеи Аслан Бжьаниеи.

  • © Sputnik / Асмат Цвижба

    Ажьырныҳәа 30 рзы Аԥсны ахада Аслан Бжьаниа усутә ныҟәарала Аԥсны мрагыларатәи ахәҭахьы дцеит афымцамчтә обиектқәа русура агәаҭаразы.

  • © Foto / пресс-служба Президента Республики Абхазия

    Аслан Бжьаниа, Аԥсны аԥыза-министр ихаҭыԥуаҩ, аекономика аминистр Кристина Озган, "Амшынеиқәафымцамч" аиҳабы Михаил Логәуа, Акапитатә ргылара аусбарҭа аиҳабы Ҭемыр Агрба еицны игәарҭеит афымцеихшарҭатә маругақәеи аҷаԥшьаратә пультқәеи русушьа.

  • © Sputnik

    Аслан Бжьаниа ипресс-конференциа.

  • © Sputnik

    Аԥсны ахада Аслан Бжьаниа идикылеит Аԥсны ацхрааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

  • © Sputnik / Томас Тхайцук

    Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа.

  • © Sputnik / Томас Тхайцук

    Аԥсны ахада Аслан Бжьаниа усутә ныҟәарыла мшаԥы 20 рзы Москваҟа дцеит. Бжьаниа Урыстәыла ахада Иусбарҭаҟни Урыстәыла аиҳабыра рыҟни аиԥыларақәа мҩаԥигараны дыҟоуп.