Даур Занҭариа ихьӡ зху Ацентр алитературатә еиндаҭлара мҩаԥнагоит

48
(ирҿыцуп 19:23 02.03.2021)
Аиндаҭлара мҩаԥысуеит ҩ-номинациак: "Апроза" (автортә бӷьыц аҟынӡа инаӡо ажәабжь), "Апоезиа" (300 цәаҳәа рҟынӡа ажәеинраалақәа) рыла.

АҞӘА, хәажәкыра 2 – Sputnik, Бадраҟ Аҩӡба. Даур Занҭариа ихьӡ зху Ацентр жәларбжьаратәи алитературатә еиндаҭлара "Аҭынчра амузыка уаҿыхәо" шымҩаԥнаго азы алаҳәара ҟанаҵеит ҳәа Sputnik иазеиҭалҳәеит Ацентр адиректор Циза Гәымԥҳа.

"Аҭынчра амузыка уаҿыхәо"– ари Даур Занҭариа иажәеинраалатә цәаҳәоуп. Аиндаҭлара фынтәуп имҩаԥысуеижьҭеи. Сынтәа иара жәларбжьаратә статус аанахәеит, атәыла анҭыҵаагьы ирҭахызар рхы аладырхәуеит. Аиндаҭлара жәларбжьаратә ҟазшьа аҭара аидеиа Ацентр иаҭааз аҿар ираԥшьгамҭоуп",- лҳәеит лара.

Циза Гәымԥҳа еиҭалҳәеит ишрыдыркыло уаанӡа акьыԥхь зымбац арҿиамҭақәа аԥсышәалеи урысшәалеи, аелектронтә ҟазшьа рыманы абри аҭыӡҭыԥ ахь: dyrmitg@gmail.com. Аусумҭақәа рыдыркылоитхәажәкыра 1 инаркны лаҵара 15 рҟынӡа. Аихшьаала мҩаԥгахоит лаҵара 25 рзы, Даур Занҭариа имшира аҽны.

"Ҳаигәыӷуеит аиндаҭлара аихшьаалатә уснагӡатә аныҳәатә ҟазшьа аманы имҩаԥысып ҳәа. Уи аҽны иара убасгьы ашәҟәыҩҩы анышә дахьамадоу аҭыԥ ҳаҭаауеит", - лҳәеит Циза Гәымԥҳа.

Аиндаҭлара алахәхаразы арҿиамҭа иацнашьҭтәуп абиблиографиатә дыррақәеи аҭел аномери. Алауреатцәа алыркаауеит еицырдыруа ашәҟәыҩҩцәеи апоетцәеи злахәу ажиури абжьыҭирала. Номинациа-цыԥхьаӡа аӡәаӡәа алыркаауеит, адипломи агәалашәаратә ҳамҭеи ранаршьоит.

Ашәҟәыҩҩы, ажурналист Даур Занҭариа (1953—2001 гг.) диит Тамшь ақыҭан. Далгеит афилологиатә факультет (1975), нас – Иреиҳаӡоу асценариатә курсқәа  (1984). Аус иуан ахәыҷтәы журнал аредакциаҿы (1977-1981), Аԥсны акультура Афонд аҿы (1988-1992). Ажурнал "Эксперт" акорреспондентс дыҟан, СССР ашәҟәыҩҩцәа Реидгыла далахәылан (1984). "Золотое колесо", "Гендальф", "Кремневый скол", "Набережная" (урысшәала), "Hаp улбаит" (аԥсышәала) дравторуп. Ирҿиамҭақәа кьыԥхьын ажурналқәа: "Знамя", "НМ", "Арион", "Новый мир" рҿы. Акиносахьа "Сувенир" асценари давторуп.

Даур Занҭариа ихьӡ зху Ацентр аартын 2011 шықәсазы.

Иара убас шәаԥхьар ҟалоит:

48

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

5
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

5