Аомбудсмен ахада иахь ааԥхьара ҟалҵеит Қырҭтәылеи Аԥсни рҳәааҿы аԥкырақәа рзы

25
Аԥсни Қырҭтәылеи рҳәынҭқарратә ҳәаа аркын хәажәкыра 14 рзы Аԥсны ахада инапынҵақәа назыгӡоз Валери Бганба иусдҵала, Қырҭтәыла акоронавирустә инфекциа COVID-19 зцәа иалаз рырацәара иахырҟьаны.

АҞӘА, хәажәкыра 2 - Sputnik. Ауаҩытәыҩса изинқәа рыхьчараз азинмчра змоу Асида Шьаҟрылԥҳа Аԥсны ахада Аслан Бжьаниа иахь аҳәара ҟалҵеит аԥсуа-қырҭуа ҳәааҿы аԥкырақәа ррежим аԥыхразы, ауаҩытәыҩса изинқәа рықәныҟәара азыԥхьагәаҭаны.

Аԥсуа-қырҭуа, аԥсуа-аурыс ҳәынҭқарратә ҳәаақәа аркын акоронавирустә инфекциа апандемиа ианалага инаркны ареспублика аҵакырахь ачымазара алалара алмыршаразы. Аомбудсмен лгәаанагарала ари асанитар-епидемиологиатә ҭагылазаашьа иақәшәон.

2020 шықәса нанҳәамзазы ирыдыркылаеит аӡбра аушьҭырҭатә ҭыԥ "Ԥсоу" аҿы аҳәаа аусура аиҭалагараз, убри аан аԥсуа-қырҭуа ҳәаа ахысра макьанагьы ауадаҩрақәа аманы иҟоуп ҳәа азгәалҭоит азинхьчаҩ.

"Ауааԥсыра ргәабзиареи рыԥсҭазаареи рыхьчаразы иалагалоу аԥкырақәа иҟоу ашәарҭара иахьырԥшызароуп. Иахьазы аепидемиологиатә ҭагылазаашьа аҭышәынтәалара иаҿуп, иҟоу аԥкырақәагьы еиҳа ирԥсыҽуп. Ус шакәугьы аҳәаа ахьарку иахҟьаны Гал араион ауааԥсыра рзинқәа аркьаҿуеит, ҳәарада аҭагылазаашьагьы дара дискриминациак аҳасаб ала иахәаԥшуеит", - лҳәеит Шьаҟрылԥҳа.

Лара лажәақәа рыла аҳәаа ахысраз апроблемақәа рызцәырҵуеит Қырҭтәылатәи аҵараиурҭақәа ирҭоу мамзаргьы рҭалара зҽазыҟазҵо аҿар, згәамбзиара иахҟьаны амедусҳәарҭақәа рахь ицо ауааԥсыра.

Аомбудсмен иара убасгьы илҳәеит Гал араион ауааԥсыра, ақырҭуа социалтә цхыраагӡақәа зауа Қырҭтәылаҟа аҳәаа ахысра ахьрылымшо азы ашәарақәа шырмоуа.

"Шықәсынаҟьак рхы иақәиҭны, ԥкырада анеиааира ахьрылымшо азы араион ауааԥсыра аҭагылазаашьа уадаҩ иҭашәаны иҟоуп. Ари зегьы икылнагеит ауаа закәаншьаҭада аҳәаа ахысра рҽазышәара (4000 хҭыс рҟынӡа азгәаҭоуп). Убри аан административтә хараԥса 4800-6000 мааҭ инаӡоит. Уи адагьы изакәанымкәа аҳәаа ахысра иаруадаҩуеит аинфекциа COVID-19 алаҵәара ахылаԥшар", - лҳәеит Шьаҟрылԥҳа.

Аԥсни Қырҭтәылеи рҳәынҭқарратә ҳәаа аркын хәажәкыра 14 рзы Аԥсны ахада инапынҵақәа назыгӡоз Валери Бганба иусдҵала, Қырҭтәыла коронавирустә инфекциа COVID-19 зцәа иалаз рырацәара иахырҟьаны.

Ашықәс аҩныҵҟа аҳәаа хәынтә иаадыртхьеит, аамҭа-аамҭала Аԥсны ауааԥсыра арахь рыгьыжьразы. Иара убасгьы жьҭаара 15 инаркны ԥхынҷкәын 30 рҟынӡа иаартын Қырҭтәыла атәылауаа, атәанчахәқәеи асоциалтә шәарақәеи зауа рзы агуманитартә коридор. Амедицинатә цхыраара аиура зҭаху рзы аҳәаа ахысра ԥкыра аҵам.

25

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Аԥсны Атәанчахәытә фонд аҿы ашәарақәа зеиԥҟьо атәы рҳәеит

4
(ирҿыцуп 20:14 14.04.2021)
Аԥсны Атәанчахәытә фонд Аԥсны атәылауаа рҿаԥхьа руал 55 миллион мааҭ ыҟоуп. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы.

АҞӘА, мшаԥы 14 - Sputnik. Аԥсуа тәанчахәқәа ршәара апандемиа аамҭа иахҟьеит, избанзар 2020 шықәсазы Атәанчахәытә фонд 130 миллион мааҭ амоуӡеит. Абри атәы радио Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.

2020 шықәсазы акоммерциатә еиҿкаарақәа ашәахтәқәа рықәырхит апандемиа инадҳәаланы. Ари афонд ахь аԥаранашьҭра анырра анаҭеит.

Ахантәаҩы иажәақәа рыла Атәанчахәытә фонд ахь аԥара назмышьҭуаз акоммерциатә еиҿкаарақәа рымацара ракәым, аҳәынҭқарратә еиҿкаарақәагьы рыдҵақәа нарыгӡомызт.

Убас ауал ду ақәны иҟоуп АУН "Амшынеиқәафымцамч", иҳәеит Гәылариа.

"Аха дара ишьақәырӷәӷәоу аграфик ҳзаарышьҭит, ирҳәеит ЕгрыГЕС аусура ишалагалак Атәанчахәытә фонд ахь ахыԥхьаӡаларақәа ишрылаго", - иҳәеит Гәылариа.

Иахьазы реиҳа ауал ду зықәны иҟоу еиҿкаароуп АУН "Амшынеиқәафымцамч".

Ашәарақәа еиҵахоит иара убасгьы ареспубликаҿы аԥсуа тәанчахәы зауа рхыԥхьаӡара иацло иахьалагаз ҳәа иҳәоит Гәылариа.

2020 шықәса алагамҭаз ари ахыԥхьаӡара 6656-ҩык инаӡозар, шықәса анҵәамҭазы 8592-ҩык ҟалеит.

Иахьа Атәанчахәытә фонд аамҭа-аамҭала ашәарақәа мҩаԥнагоит. Аԥхьа иззыршәо категорианы иҟоу Аԥсны жәлар реибашьра аинвалидцәа роуп.

"56 миллион мааҭ ауал ҳақәуп. Ари хәажәкырамза иатәуп. Аха иара есыҽны еиҵахоит. Раион-раионла аԥарақәа ҳшәоит. Аибашьра иадҳәало акатегориақәа рҿаԥхьа Аҟәа, Аҟәа араион, Очамчыратәии Тҟәарчалтәии араионқәа рҟны ҳуал ҳшәеит, иаанханы иҟоуп Гагреи Гәылрыԥшьи араионқәа", - иҳәеит афонд ахантәаҩы.

Гәылариа иажәақәа рыла Афонд ахь аԥаралагалара адинамика аныԥшуа иалагеит. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы ҳәа иҳәоит иара.

4