Женеватәи аиҿцәажәарақәа рыцхантәаҩцәа Аҟәа еиԥылеит

10
(ирҿыцуп 13:37 03.03.2021)
Изаамҭанытәиу 52-тәи Женеватәи аиҿцәажәарақәа рраунд мҩаԥысраны иҟоуп хәажәкыра 24-25 рзы.

АҞӘА, хәажәкыра 3 – Sputnik, Бадраҟ Аҩӡба. Изаамҭанытәиу 52-тәи Женеватәи аиҿцәажәарақәа рраунд амҩаԥысра аламҭалаз Аԥсны Адәныҟатәи аусқәа рминистрраҟны имҩаԥысит Женеватәи аиҿцәажәарақәа рыцхантәаҩцәа реиԥылара.

Аиԥылара аартуа Аԥсны Адәныҟатәи аусқәа рминистр ихаҭыԥуаҩ Иракли Ҭыжәба ажәадгала ҟаиҵеит амшхәаԥштә азҵаара иалацәажәарц.

"Иазгәаҭатәуп ииасыз аамҭазы Гал араион аҿы аҭагылазаашьа ҭышәынтәаланы ишыҟаз. Иарбанызаалак инцидентк азгәаҭамызт. Ҳәарада, закәаншьаҭада аҳәаа ахысразы аҽазышәарақәа ыҟан, аха урҭ зегьы рҭыԥ иқәаҳҵон проблемада", - иҳәеит Аԥсны Адәныҟатәи аусқәа рминистр ихаҭыԥуаҩ Иракли Ҭыжәба.

Иара убасгьы иазгәеиҭеит акоронавирустә инфекциа аҿагылара адинамика алҵшәақәа шаанашьҭыз.

"Аԥсныҟа иаашьҭын Урыстәылатәи амобилтә госпиталь. Иара убасгьы урыстәылатәи аҳақьымцәа ацхыраара ҟарҵон Гәдоуҭатәи аковид-центр аҿы. Арҭ зегьы ҳҿаԥхьа игылаз ашәарҭарақәа аԥырхит", - иҳәеит Ҭыжәба.

Иара ҭабуп ахиҳәааит жәларбжьаратәи аилазаарақәа COVID-19 аҿагылараҿы иҟарҵоз ацхырааразы.

"Амчра ахамырхәараз адокумент аицеиқәшаҳаҭреи анапаҵаҩреи арегион аҿы ашәарҭадареи аҭынчреи ишиашоу ирыдҳәалоуп. Ааигәатәи Ашьха Ҟарабахтәи ахҭысқәа иаҳдырбеит арегион аҿы ашәарҭара шыҟоу, иҟалашагьы уаҩы ишизымдыруа", - иҳәеит аминистр ихаҭыԥуаҩ.

Иракли Ҭыжәба уи адагьы иазгәеиҭеит, Аԥсны агәҭынчымра шцәырнаго Қырҭтәыла абџьарла аҽеиқәыршәара.

Аахыҵ Кавказ азҵаарақәа рзы Евроеидгыла ахаҭарнак Тоиво Клаар иазгәеиҭеит апандемиа Женеватәи аиҿцәажәарақәа рымҩаԥгара анырра шанаҭаз, уажәы уаанӡатәи амҩаԥгашьахь аиасра алшоит ҳәа дышгәыӷуа.

"Евроеидгыла агәахәара ду анаҭоит ООН апроектқәа жәпакы рԥаразоужьра ахьалыршахаз акоронавирус ахҽразы. Аиҿцәажәарақәа рымшхәаԥштә иаҵанакуа азҵаарақәа зегьы еидкыланы рылацәажәара хымԥадатәиуп", - иҳәеит Клаар.

ОБСЕ ахаҭарнак ҷыда Анника Содер, раԥхьаӡа акәны Аҟәа лыҟазаара инадҳәаланы илҳәеит аиԥылара ара амҩаԥгара агәахәара ду шылнаҭо.

"Ҳара ҳзы акраҵанакуеит Женеватәи аиҿцәажәарақәа ирылшоны иҟоу, аибашьра ааха зауз ауааԥсыра рыбзазареи рыԥсҭазаареи реиӷьтәразы", - лҳәеит лара.

ООН ахаҭарнак ҷыда Азат Лачиниан иҳәеит Аԥсны COVID-19аҿагылараҿы аихьӡарақәа дышреигәырӷьо.

"Иаҳҳәар ҳҭахуп Агәабзиарахьчаразы адунеизегьтәи аиҿкаареи шәареи шәусеицура хра шамоу COVID-19 аламырҵәаразы. Ари аусеицура ҳара пату ҳзақәуп. Абри аганахь ала Жәларбжьаратәи аилазаара еснагь ишәыцхраалоит", - иҳәеит иара.

Аахыҵ Кавказ ашәарҭадареи аҭынчреи рҭышәныртәаларазы Женеватәи аиҿцәажәарақәа хацыркын 2008 шықәсазы, Аахыҵ Уаԥстәылатәи ахҭысқәа рышьҭахь. Аиҿцәажәарақәа рҟны абжьаҟазара мҩаԥыргоит Урыстәыла, ЕАА, ООН, ОБСЕ, ЕС рхаҭарнакцәа.

10
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

9
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

9