Ацәыргақәҵа "Аԥҳәыс лпортрет" аатит Ацәыргақәҵатә зал хадаҿы

13
(ирҿыцуп 10:09 04.03.2021)
Ацәыргақәҵа еиҿыркааит Аԥсны Асахьаҭыхыҩцәа реидгылеи Амилаҭтә сахьаҭыхратә галереиеи Акультура аминистрра адгыларала.

АҞӘА, хәажәкыра 4 – Sputnik, Бадраҟ Аҩӡба. Аԥсны Асахьаҭыхыҩцәа реидгыла Ацәыргақәҵатә зал аҿы хәажәкыра 3 рзы иаадыртит ацәыргақәҵа "Аԥҳәыс лпортрет".

"Ари сынтәатәи раԥхьатәи цәыргақәҵоуп. Аԥшӡара, ааԥынра, аԥсҭазаара ирызкуп. Иара уникалтәуп. Ҳара ара еидаҳкылеит Асахьатә галереиаҟны иҵәахыз арҿиамҭақәеи ҳаамҭазтәи асахьаҭыхыҩцәа рырҿиамҭақәеи", - ҳәа лҳәеит Аԥсны Асахьаҭыхыҩцәа реидгыла Ацәыргақәҵатә зал адиректор Ельвира Арсалиаԥҳа.

Арахь иаагахоит Александр Шервашиӡе 1920 шықәса рзы иҭихыз иусумҭақәа реиԥш, сынтәа иҭыху аусумҭақәагьы.

"Аинтерес ду зҵоу цәыргақәҵоуп. Аԥҳәыс лхаҿы абара адагьы ара иуныруеит аԥсҭазаараҿ, аҟазараҿ, ауаажәларраҿ имҩаԥысыз аԥсахрақәа. Портрет-цыԥхьаӡа аӡәы иԥсҭазаароуп, илахьынҵоуп. Даара ҳаигәыӷуеит аҭааҩцәа аинтерес шьҭырхып ҳәа", - лҳәоит Арсалиаԥҳа.

  • Ацәыргақәҵа "Аԥҳәыс лпатреҭ" аатит Ацәыргақәҵатә зал хадаҿы
    © Sputnik / Томас Тхайцук
  • Ацәыргақәҵа "Аԥҳәыс лпортрет" аатит Ацәыргақәҵатә зал хадаҿы
    © Sputnik / Томас Тхайцук
  • Ацәыргақәҵа "Аԥҳәыс лпортрет" аатит Ацәыргақәҵатә зал хадаҿы
    © Sputnik / Томас Тхайцук
  • Ацәыргақәҵа "Аԥҳәыс лпатреҭ" аатит Ацәыргақәҵатә зал хадаҿы
    © Sputnik / Томас Тхайцук
1 / 4
© Sputnik / Томас Тхайцук
Ацәыргақәҵа "Аԥҳәыс лпатреҭ" аатит Ацәыргақәҵатә зал хадаҿы

Аԥсны ахада аҭҵаарадырреи, акультуреи, аҵареи рзы иабжьгаҩ Нугзар Логәуа иазгәеиҭеит иалху атема аинтерес ду шамоу.

"Ари ахҭыс зегьы ишәыдысныҳәалоит. Ара иубоит Александр Константин-иԥа Чачба иусумҭақәа, ҳсахьаҭыхыҩцәа шьахәқәа русумҭақәа, аҿар рырҿиамҭақәа", - иҳәеит Логәуа.

Ацәыргақәҵа аартызаауеит хәажәкыра 3 инаркны 25 рҟынӡа.

13

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа