АҞӘА, хәажәкыра 4 – Sputnik. Аԥсны адәныҟатәи аусқәа рминистр Даур Ақаҩба арадио Sputnik аинтервиу аҭо еиҭеиҳәеит Лаврови иареи реиԥылараан иззааҭгылаз азҵаарақәа ртәы, хаҭала Аԥсныҟа алаҵа "Спутник V" аагара.
"Азҵаара аус адулара шцо, уажәшьҭа ахыркәшарахь ишнеиуа атәы ҳҳәеит. Хара имгакәа акоронавирустә инфекциаҟынтә алаҵа "Спутник V" аагахоит. Иналкаан рыцхәк иазааҭгылам, аха азҵаара ҵоураны иӡбоуп", - ҳәа иҳәеит иара.
Иара убасгьы иалацәажәан Аԥсни Урыстәылеи рыбжьара атауареикәыршара азҵаара.
3 Хәажәкыра 2021, 17:51
"Гәахәарыла иазгәаҳҭеит Аԥсни Урыстәылеи рыбжьара атауареикәыршара аизҳара ишаҿу. Аԥсны Аҳәынҭқарратә аҳазалхратә еилакы адыррақәа рыла 2020 шықәсазы 20 миллиард мааҭ рыхәԥса атауареикәыршара мҩаԥган, 2019 шықәса иаҿырԥшны 1,5 миллиард еиҳауп", - иҳәеит аминистр.
Аԥсны адәныҟатәи аусқәа рминистр Даур Ақаҩбеи Урыстәыла адәныҟатәи аусқәа рминистр Сергеи Лаврови 2021-2022 шықәсқәа рызтәи аконсультациақәа рыплан рнапы аҵарҩит.
