Аԥсны изаҭаатәу амзызқәа хәба ртәы рҳәеит

15
(ирҿыцуп 20:36 04.03.2021)
Аиҳарак атуристцәа Аԥсныҟа иаауеит амшын, аԥсабара аԥшӡара, аҩы, амандарина, амра рзы. Иарбану уаҳа аԥсы атәыла џьашьахәыс иамоу?

АҞӘА, хәажәкыра 4 - Sputnik. Аԥсны иалшоит атуристцәа ирыднагалаша маҷымкәа.

Урыстәылатәи атуристцәа СССР аамҭақәа раахыс Аԥсны аԥсшьара бзиа ирбоит. Урыстәыла Атуристтә маҵзурақәа ралианс апрезидиум алахәыла Алексан Мкртчиан иазгәеиҭоит ареспублика ишалшаз иамаз атурист лшарақәа реиқәырхара: амшын цқьа, ахәԥса лаҟәқәа асасааирҭақәа, акаҳуажәырҭақәа, аресторанқәа рҿы.

"Уи анаҩсгьы: аӡиа Риҵа, Афонтәи аҳаԥы, ажәытә уахәамақәа, абаахыжәжәарақәа урыдырхалоит. Авиоеимадара аҟамзаара уаруадаҩуеит. 70% аԥсшьаҩцәа аҳәаа иаԥну акурортқәа рахь ицоит", - ҳәа иҳәоит аексперт.

Аԥсны атуристцәа зладнахало Светлана Холоднова леизгамҭа арадио Sputnik азы.

Ашьхараҿы акурортқәа

Ареспублика атуристцәа аднаԥхьалар ауеит аӡынгьы. Уи азы Ауадҳареи Мамзышьхеи рхархәара ауеит.

Ауадҳара – аминералтәи ихәшәуи аӡыҵыҵқәа ухы иаурхәар ауазар, Мамзышьха ашәҩақәшьқьраара алшоит уахьынтә амшын агәы ухыԥшыло. Иҟоуп афирмақәа Аԥсны ашьхашәҩатә ԥсшьара аиҿкаара иаҿу. 2020‒2021 шықәсазы ари аԥсшьарахк акыр иаҭаху акәхоит аҳәаақәа ахьарку азы. Асезон хәажәкыра анҵәамҭанӡа инаӡар ҟалоит.

Момкеишн, мамзаргьы аҳәса рзы зегьы

Астатистикатә дыррала аҳәса Аԥсны бзиа ирбоит. Убас аԥсуа курорт Гагра ашықәсҿыцазтәи аныҳәақәа раан аҳәса еиҳа иалырхыз курортуп.

Арахь аара иамзызқәаны ишьоуп: ашопинг, аҽырзҩыдара, ахашьклаԥшра, момкеишн (англ. momcation – mom "ан", vacation "аԥсшьара", аҭаацәара ран аҩнусқәа рҟынтәи лыԥсы анылшьо), аибадырра, аспорт, аныҟәарақәа, 2020 шықәсазы иактуалхаз ахалаҟазаара.

Афон ҿыц – ахацәа рзы

Афон ҿыц ахацәа еиҳа бзиа ибаны иалырхуеит. Иҟалоит рхала ианаауа, иҟалоит аиҩызцәа рҽеидкыланы ианаауа. Ахацәа аинтерес рымоуп ақалақь акәша-мыкәша имаҷым аҳаԥқәа рыҭҵаара.

Ибыбышу ма аҵыхәа змоу амзыз

Ала, ацгәы – аҭаацәа ирыхәҭакны иахьырбо ыҟоуп. Ирацәаҩуп ԥсшьара амҩа иқәло рыҩны ԥстәқәа џьаргьы рааныжьра зҭахым. Аԥсны уи азы ԥкырак ыҟам. Гагра абри аганахьала еиҳа уздызкыло курортны иршьоит.

"Ҭырқәтәылатәи" амзыз

2021 шықәса лаҵарамзазы Аԥсны иаатуеит раԥхьатәи аҭаацәаратә отель "ҭырқәтәылатәи" авариант ала.

Асасааирҭаҿы еиҿкаахоит адуцәа рзеиԥш ахәыҷқәа рызгьы агәмырҿыӷьырҭақәа. Анацәеи абацәеи ироуеит алшара рхәыҷқәа апрофессионалцәа, аниматорцәа аус рыдырулонаҵы ҭынч рыԥсы ршьар. Аотель аадыртуеит Гагра.

Аҟазауаа еицҿакны ирҳәоит Аԥсны атуристтә ԥеиԥш ду амоуп ҳәа. 2021 шықәсазы иазыԥхьагәаҭоуп миллионҩык иреиҵамкәа урыстәылатәи атуристцәа атәыла раҭаара.

15

Аԥсны афымцарцәара аграфик ԥсахуп

0
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

0
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

4
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

4