Аԥсны Абанк аиубилеи азы аԥошьҭатә марка ҭнажьит

13
(ирҿыцуп 10:21 05.03.2021)
Жәабран 28, 1991 шықәсазы Аԥснытәи АССР Иреиҳаӡоу Асовет аӡбра аднакылеит Аԥсны абанк хада аиҭеиҿкаараз.

АҞӘА, хәажәкыра 5 – Sputnik, Асмаҭ Ҵәыџьԥҳа. Аԥсны Абанки, АУН "Аԥсны аԥошьҭеи", АУН ҭыжьымҭа "Марка Приднестровиеи" Аԥсны Абанк 30 шықәса ахыҵра аиубилеи азы аԥошьҭатә марка еицыҭрыжьит ҳәа Sputnik иазеиҭалҳәеит Абанк адәныҟаеимадаратә маҵзура аиҳабы Лиана Агрԥҳа.

"Ҳара "Аԥсны аԥошьҭахь" амарка аҭыжьразы аҳәара ҟаҳҵеит. Иара нас аҭыжьра мҩаԥгахеит Приднестровие аԥошьҭа аҟны", - ҳәа лҳәеит лара.

Аиубилеитә маркаҿ иарбоуп Аԥсны Абанк ажәытәи аҿатәи хыбра. Атираж 800 цыра ыҟоуп. Агрԥҳа лажәақәа рыла, Амилаҭтә банк амаркақәа аҭиуам, иҭыжьу иубилеитә тиражуп.

  • Аԥсны Абанк аиубилеи азы аԥошьҭатә марка ҭнажьит
    © Sputnik / Томас Тхайцук
  • Национальный банк Абхазии выпустит к 30-летию банка почтовую марку
    © Foto / Национальный банк Абхазии
1 / 2
© Sputnik / Томас Тхайцук
Аԥсны Абанк аиубилеи азы аԥошьҭатә марка ҭнажьит

Жәабран 28, 1991 шықәсазы Аԥснытәи АССР Иреиҳаӡоу Асовет иаднакылеит "Аԥснытәи АССР Абанк хадазы", "Аԥснытәи АССР абанкқәеи абанктә усурақәеи рзы" азакәанқәа.

Раԥхьаӡа акәны ареспубликаҿы иҟалеит Аԥсны аекономика аҿиара аинтересқәа азԥхьагәазҭоз абанктә усҳәарҭақәа рҭаххара.

Аԥсны Аџьынџьтәылатә еибашьра ашьҭахь уаанӡа аус зуаз абанкқәа рҟынтәи еиқәхаз Абанк хадеи араионқәа рҿы аҽа ԥшь-банкки роуп. Ус шакәызгьы 1994 шықәсазы Абанк хада 13 кредиттә еиҿкаара ашәҟәы иҭанагалеит. Урҭ ироуз алицензиақәа рыла ареспублика араионқәа рҿы аусура иалагеит.

Жәабран 11, 1995 шықәсазы Аԥсны ахада Владислав Арӡынба иусдҵала Абанк хада абазала иаԥҵан Амилаҭтә банк. Иара иаусдҵа хаданы иҟан: абанктә система арҿиареи аизырҳареи, ԥкырада хра аманы аԥхьаӡаратә система аусура.

13

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара