Аԥсны аҳәааҿы дааныркылеит уаанӡа изышьҭаз Урыстәыла атәылауаҩ

24
(ирҿыцуп 17:23 05.03.2021)
Ахаҵа Аԥсны Аҳәынҭқарраҟынтә Урыстәылаҟа аиасра игәҭакын. Аҳәаа данахысуаз даанкылан.

АҞӘА, хәажәкыра 5 - Sputnik. 1964 шықәса рзы ииз Урыстәыла атәылауаҩ, Афедералтә шьҭазаара змаз, даанкылан аушьҭырҭатә ҭыԥ "Адлер" аҿы итәылауаҩшәҟәы агәаҭараан. Абри атәы аанацҳауеит Урыстәыла АШәМ Краснодартәи атәылаҿацә Аҳәаахьчаратә усбарҭа апресс-маҵзура.

Ахаҵа иԥшаара аԥшьгаҩцәа – Урыстәыла ААР Ареспублика Марии Ел дрыҭан.

Аҳәаахьчаратә усбарҭа иазгәанаҭоит Урыстәыла аҳәынҭқарратә ҳәаа аушьҭырҭатә ҭыԥқәа рҟны аҳәаахьчаратә гәаҭарақәа раан амаҵзурауаҩ азин имоуп:

  • ахаҿқәа рдокументқәа ргәаҭара, атранспорттә хархәагақәеи имҩанырго аидареи ргәаҭара;
  • аҳәынҭқарратә ҳәаа, аушьҭырҭатә ҭыԥқәа ррежим еиларгеит ҳәа агәаанагара зганахь ала ицәырҵыз ахаҿқәа раанкылареи рыҭҵаареи, арҭ ахаҿқәа аҳәаахьчаратә усбарҭақәа рыҟәшақәеи егьырҭ аҭыԥқәеи рахь рзинеилагара аҭҵааразы рнагара;
  • аҳәаахьчаратә усбарҭақәа рҳәаахьчаратә гәаҭаратә ҟәшақәа рахь арҭ ахаҿқәа наганы аҳәынҭқарратә ҳәаа, аушьҭырҭатә ҭыԥқәа ррежим еиларгеит ҳәа агәаанагаразы рыҭҵаара. Иахәҭаны иҟалар иарбоу аилагарақәа рзы аҭҵаарақәа аҽа ҭыԥк аҿы аилыргара мҩаԥгахар ҟалоит;
  • аҳәынҭқарратә ҳәаа ахысра азин ҟазҵо адокументқәа рҿы адыргақәа рыҟаҵара, иаҭахханы иҟалар аамҭала арҭ адокументқәа рымхра, иара убасгьы иԥаршеиу адокументқәа рымхра;
  • аҳәаанырцәуааи атәылауаҩра змам ахаҿқәеи зыҿҳәара иахыԥахьоу урыстәылатәи авизақәа рыҿҳәара ацҵара, афедералтә усбарҭа ахаҭарнакра аҟамзаараан;
  • Урыстәылатәи Афедерациа азакәанԥҵара ишышьақәнаргылаз ала аҳәаанырцәуаа урыстәылатәи рвизақәа русура аанкылара;
  • аамҭала ахаҿқәеи атранспорттә хархәагақәеи аушьҭырҭатә ҭыԥқәа рҿы рныҟәара аԥкра ма аанкылара;
  • аамҭала еиуеиԥшым аусурақәа, атәылахьчара иадҳәалоуи, аԥсабаратә рыцҳарақәа ирыдҳәалоуи, аҿкчымазарақәа ирыдҳәалоуи аусурақәа рыда раанкылара;
  • Азакәан иазыԥхьагәанаҭо аҭагылазаашьақәа раан абџьар, атехника, ахархәага ҷыдақәа, амчра ахархәара;
  • аҳәынҭқарратә ҳәаа закәаншьаҭада ауаа рахыгаразы ахараԥса рықәҵара.

2020 шықәсазы аурыс-аԥсуа ҳәааҿы иаанкылан афедералтә, жәларбжьаратә, аҳәынҭқаррабжьаратә шьҭазаара змаз 90-хаҿы.

24

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара