Аԥсны афымцалашара аиуразы аамҭалатәи аԥкырақәа алагалоуп

36
(ирҿыцуп 18:27 05.03.2021)
Авольтҳарак цәаҳәа "Кавкасиони" аҟны аремонттә усурақәа цонаҵы Аԥсны аамҭала афымцалашара арцәара аграфик алагалоуп.

АҞӘА, хәажәкыра 5 - Sputnik. Аԥсны афымцалашара аиуразы аамҭалатәи аԥкырақәа алагалахоит авольтҳарак цәаҳәа "Кавкасиони" аҟны аремонттә усурақәа хәажәкыра 5, асааҭ 21:00 рзы ихыркәшамхар, ҳәа адырра ҟанаҵоит "Амшынеиқәафымцамч".

Ацәаҳәаҿы имҩаԥысуа аусурақәа ирыхҟьаны Урыстәылантәи Аԥсныҟа иааиуа афымцалашара аиура еиԥҟьоуп.

Аамҭа-аамҭала афымцалашара арцәара аграфик абас иҟоуп:

  • асааҭ 15:00- 16:00 - АҲ Баӷмаран-1, астанциа маҷ Гагра-3
  • асааҭ 16:00- 17:00 - астанциа маҷ Сухум-220, астанциа маҷ  Гагра-2, ПС Цандрипш-тяга, астанциа маҷ Бзыбь-220, ПС Тҟәарчал ГРеС, АҲ Калдахәара
  • асааҭ 17:00- 18:00 -АҲ Шешелети-1, Гагра-1 (Т1)
  • асааҭ 18:00 до 19:00 - АҲ Шешелети -2, АҲ кьалашәыр, АҲ Пицунда, астанциа маҷ Гычрыпшь
  • асааҭ 19:00- 20:00 - АҲ Баӷмаран-2, АҲ Чагал, астанциа маҷ Гагра-1 (Т1)
  • асааҭ 20:00 до 21:00 - астанциа маҷ Алаҳадзыхь.

Ԥхынҷкәын 11 рзы Аԥсны Урыстәылантәи алашара аиура иалагеит, убри аан ажьырныҳәа 20 рҟынӡа Гәылрыԥшь, Очамчыра, Гал, Тҟәарчал араионқәа ЕгрыГЕС аҟынтәи ироуан алашара.

Иара убас шәаԥхьар ҟалоит:

36
Атемақәа:
Аԥсны аенергетика апроблемақәа (258)

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара