Гагра араион Цандрыԥшь аҳаблан амҩақәа рремонт хыркәшоуп

© Sputnik / Томас ТхайцукУкладка дорожного полотна
Укладка дорожного полотна - Sputnik Аҧсны, 1920, 10.03.2021
Анапаҵаҩра
Гагра араион Цандрыԥшь аҳаблан амҩақәа аремонт рзыруеит Аԥсны асоциал-економикатә ҿиаразы Аинвестициатә программа аԥарақәа рыла.

АҞӘА, хәажәкыра 10 – Sputnik, Бадри Есиава. Цандрыԥшь аҳабла амҩақәа жәаха акаҭран ықәҵаны иалгеит ҳәа Sputnik иазеиҭеиҳәеит Цандрыԥшь ахада Адгәыр Дасаниа.

"Мышқәак раԥхьа жәаха мҩа рремонт хыркәшахеит. Уажәы урҭ амҩақәеи егьырҭ амҩақәеи реиԥшьырҭақәа рҿы акаҭран ықәырҵоит, "ишьҭоу аполициауаҩ" шьақәдыргылоит. Дара жәаба рҟынӡа ҟалоит аҳабла амҩа хада (Октиабртәи амҩа, 9,2 километр – азгә.) аҿы. Ари амҩа иаҿыгоу егьырҭ амҩақәа зегьы амшын ахь укылыргоит", - иҳәеит Дасаниа.

Дасаниа иҳәеит арҭ амҩа ссақәа 150 - 400 метра иҟоуп ҳәа. Дара рзеиԥш аура 8 километра инаӡоит. Аҳабла ахада амҩа ҿыцқәа "хар рымам" ҳәа ахәшьара шриҭазгьы, аҳаблауаа иҟаҵоу ргәы иахәоит.

"Иҟан атехникатә уадаҩрақәа. Сгәы иаанагоит аусурақәа аԥхын имҩаԥысуазҭгьы, еиҳа ахаҭабзиара еиӷьхон. Аҳауатә ҭагылазаашьагьы анырра ҟанаҵеит, аха 30 шықәса рыҩнуҵҟа ари раԥхьатәи каҭрануп. Ишыҟаз аасҭа акыр еиӷьуп", - иҳәеит Дасаниа.

Ремонт автодорог в Новосибирской области - Sputnik Аҧсны, 1920, 04.02.2021
Пицундеи Цандрыԥшьи амҩақәа рремонт мчыбжьык аҩнуҵҟа ихыркәшахоит

Ақыҭа ахада иҳәеит амҩақәа рҭагылазаашьа даара ишбааԥсыз. Аҳаблаҿ еиҭа аремонт рзутәны иҟоуп 30 километр рҟынӡа амҩақәа. Уа инхо ауаа иахьазы ргәы нханы иҟоуп ҳәа иҳәеит Дасаниа.

"Ҳара урҭ ҳарҭынчуеит. Ираҳҳәоит Аинвестпрограмма ҿыц шеиҿкаахо, уахь арҭ амҩақәа шаҵаркхо", - иҳәеит иара.

Аҳәынҭҿаҵа нанагӡоит "Амҩаргыларатә комбинат", ахылаԥшра анапы ианҵоуп Акапиталтә ргылара аусбарҭа, амҩақәа аремонт рзыруеит Аԥсны асоциал-економикатә ҿиаразы Аинвестициатә программа аԥарақәа рыла.

2020 шықәса ԥхынҷкәын мзазы аҳәааҿы иалаго аҳабла амҩаду хада – Октиабрскаиа ҟаҵаны иалгеит, уи Цандрыԥшь иалсны ареспубликатә трассахь икылсуеит.

2021 шықәса жәабранмза анҵәамҭазы Аинвестпрограмма аԥарақәа рыла аремонт азун Пицундантәи ареспубликатә трассахь инеиуа амҩа.

Ажәабжьқәа зегьы
0