Ален Аҩӡба Португалиа аԥкьаҭасратә турнир аҿы даиааит

Ален Авидзба  - Sputnik Аҧсны, 1920, 10.03.2021
Анапаҵаҩра
Португалиа аԥкьаҭасратә турнир афинал аҿы Ален Аҩӡба афранцыз спортсмен Лиук Пуллан дииаит 6:2, 6:2 ҳәа.

АҞӘА, хәажәкыра 10 – Sputnik, Бадраҟ Аҩӡба. Аԥсуа ԥкьаҭасыҩ Ален Аҩӡба атурнир ITF аҿы аиааира игеит. Атурнир аԥхьахә - 25 000 доллар, имҩаԥысит хәажәкыра 7 рзы португалиатәи Фару аҿы.

"Атурнир маншәалан имҩасит. Агәахәара ду сымоуп сахьаиааиз азы. Сықәгыларагьы агәахәара снаҭоит", - ҳәа иҳәеит Ален Аҩӡба радио Sputnik аинтервиу аҭо.

Иара индаҭлаҩ Лиук Пуллан дихцәажәо, Аҩӡба иазгәеиҭеит ихәмаршьа бзианы ишидыруазгьы, ақәгылара шымариамыз – 6:2, 6:2 алыршарагьы шыуадаҩыз.

"Дыццакуп. Аханатә инаркны даара угәы уҽанызароуп уаницыхәмаруа. Атурнир аихшьаалақәа среитинг ишаныԥшуа сыздырам. Уажәазы сыхәмарра ахаҭабзиароуп зинтерес сымоу", - ҳәа иҳәеит аспортсмен.

Теннисист Ален Авидзба - Sputnik Аҧсны, 1920, 26.06.2018
Ален Аҩӡба Тулуза имҩаԥысуаз аиндаҭлараҿы аиааира игеит

Фару аҿтәи атурнир аҟны ииааира ашьҭахь Ален Аҩӡба Франциаҟа дхынҳәуеит, жәамш рышьҭахь дызлахәхараны ииҭаху атурнир алихуеит.

"Макьана исыздырам атурнир ахьалысхуа. Аԥснынтәи адныҳәаларақәа сзаауеит. Апандемиа иахҟьаны Аԥсныҟа саннеиуа сыздырам, аха сышнеилак, даҽа ҟазаратә-класск хымԥада имҩаԥаагоит", - ҳәа иҳәеит Аҩӡба.

Ален Аҩӡба - аԥсуа ԥкьаҭасыҩ изныкымкәа жәларбжьаратәии урыстәылатәии аиндаҭларақәа рҟны аиааира игахьеит. ATP ареитинг ала 450-тәи аҭыԥ никылоит. 2018 шықәса рзы Тулуза, ITF Futures ачемпионат аҿы аиааира игеит. 2019 шықәса рзы Кремль Ахраҿа агараан асерб Никола Милоевич диҵахеит.

Ажәабжьқәа зегьы
0