Давыденко: 2021 шықәсазы Аԥсныҟа миллионки бжаки инарыцны атуристцәа аауеит

13
(ирҿыцуп 10:21 12.03.2021)
Атуристтә форум "Аԥсны – аԥсы атәыла" лаҵарамзазы ареспубликаҿ имҩаԥгахараны иҟоуп. Уи ҩышәҩык инареиҳаны ажурналистцәа, атуроператорцәа алахәхоит.

АҞӘА, хәажәкыра 12 – Sputnik. 2021 шықәсазы Аԥсныҟа миллионки бжаки инарыцны атуристцәа аауеит ҳәа иҳәеит арадио Sputnik аинтервиу азҭаз Урыстәыла атуризм азы афедералтә маҵзураҿы иҟоу ауаажәларратә хеилак ахантәаҩы Дмитри Давыденко.

"Аԥсныҟа атуристцәа раара аизҳара аус адааулоит. Иахьазы ареспублика иамоуп алшара миллионки бжаки атуристцәа аднакыларц, амаҵзура бзиақәа рнаҭарц", - ҳәа иҳәеит иара.

Иахьазы урыстәылатәи атуристцәа рзы иаарту Ҭырқәтәылеи Аԥсни ахьракәу инадҳәаланы иазԥхьагәоуҭар алшоит аԥсшьаҩцәа рырацәара ҳәа иҳәеит Давыденко.

"Миллионки бжаки – ари Аԥсны иалшоит. Ҳәарада апроблемақәа ыҟоуп, аха аԥснытәи ҳпартниорцәеи ҳареи амаҵзурақәа рхаҭабзиара аизырҳара аус адаауылоит", - ҳәа иҳәеит Урыстәыла атуризм азы афедералтә маҵзураҿы иҟоу ауаажәларратә хеилак ахантәаҩы Дмитри Давыденко.

Давыденко ипроблема хаданы иишьо ахәԥсеи ахаҭабзиареи реишьашәалароуп. Урҭ адунеитә стандартқәа ирықәшәозар, проблема ҟалом ҳәа иҳәоит иара.

Иара убасгьы иазгәеиҭеит атуристтә форум "Аԥсны – аԥсы атәыла" лаҵарамзазы ареспубликаҿ имҩаԥгахоит, ҩышәҩык инареиҳаны ажурналистцәа, атуроператорцәа алахәхоит ҳәа.

Афорум иахықәкуп Аԥсны атуристцәа рыдкылара, амаҵзура ҳаракқәа рыҭара ишазыхиоу аарԥшра ҳәа иҳәеит Дмитри Давыденко.

Иара убас шәаԥхьар ҟалоит:

13
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

1
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

1

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4