Аԥсни Урыстәылеи ршәахтәеизгаратә усбарҭақәа русеицура азҵаарақәа ирылацәажәеит
(ирҿыцуп 18:51 12.03.2021)
Урыстәыла Афедералтә шәахтә маҵзура ахаҭарнак аонлаин-конференциа арежим ала аԥснытәи иколлегацәа ирыдигалеит аусбарҭа апрограмматә аалыҵқәа.АҞӘА, хәажәкыра 12 - Sputnik. Урыстәыла Афедералтә шәахтә маҵзуреи Аԥсны ашәахтәқәеи аизгақәеи рзы аминистрреи аонлаин-конференциа мҩаԥыргеит, ирылацәажәеит аҳәынҭқаррақәа рзакәанԥҵарақәа реишьаршәаларазы атәылақәа рыбжьара азеиԥш асоциал-економикатә ҵакыра аԥҵаразы Апрограмма анагӡара азҵаарақәа. Абри атәы аанацҳауеит Аԥсны Ашәахтәқәеи аизгақәеи рзы аминистрра асаит.
Урыстәыла Афедералтә шәахтә маҵзура ахантәаҩы ихаҭыԥуаҩ Дмитри Вольвач аԥснытәи иколлегацәа ирыдигалеит аусбарҭа апрограмматә аалыҵқәа жәпакы.
©
Sputnik / Нина Зотина
Аусбарҭақәа рхаҭарнакцәа алацәажәеит онлаин хылаԥшра-кассатә техниказы урыстәылатәи аԥышәа ахархәареи аларҵәареи азы. Вольвач иара убасгьы аԥснытәи иколлегацәа идирбеит ахәԥсацҵаз ашәахтә ахылаԥшраз автоматикатә система (АСК НДС) аус шауа. Акомплекс иалнаршоит ашәахтәцҵа аганахьала имҩаԥгоу аоперациақәа зегьы хылаԥшра рыҭара. Асистема иалшоит "ашәарҭаратә зона" ахылаԥшра аоперативтә зхьаԥшра аҟаҵаразы ахәаахәҭра-нхамҩатә операциақәа рымҩаԥгараан, ашәахтәцҵа аусхк аҟны аԥаршеи еилаӡарақәа рышьклаԥшра алнаршоит.
Аиԥылара аҳәаақәа ирҭагӡаны иара убасгьы иӡырган АҬАР асистема, Урыстәыла аҵакыраҿы атәылауаҩратә ҭаҩра актқәа рҭаҩра адыррақәа рхылаԥшразы.
Вольвач дшазыхиоу иҳәеит Урыстәыла Афедералтә шәахтә маҵзуреи Аԥсны ашәахтәқәеи аизгақәеи рзы аминистрреи реинырра ацхыраара, асеиԥш иҟоу апрограммақәа раларҵәаразы, иара убасгьы ареспубликаҿы иҟоу ашәахтәшәаратә напхгараҭара асистема аиӷьтәра.
Аслан Бжьаниеи Владимир Путини реиқәшәара ашьҭахь 2020 шықәса абҵарамзазы ишьақәырӷәӷәан Аԥсны Аҳәынҭқарреи Урыстәылатәи Афедерациеи рыбжьара азеиԥш социалтәии аекономикатәии программа.
Иара убас шәаԥхьар ҟалоит:
-
Бжьаниеи Егорови Аԥсны ашәахтә усхк аҟны ацифратә технологиақәа рхархәашьа иалацәажәеит
-
Аԥсни Урыстәылеи рыбжьара азеиԥш ҵакыра аиҿкаара апрограмма шьақәырӷәӷәоуп
Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.
Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.
Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.
Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит ауниверситет асаит ахь.
Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.
Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы.
СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.
Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны
Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Иара убас шәаԥхьар ҟалоит: