Аԥсны атуризм аминистрра атуристтә цәыргақәҵа MITT-2021 иалахәуп Москва

7
MITT — Moscow International Travel & Tourism Exhibition – Урыстәылеи ИАР атәылақәеи рҟны еиҳа идуу туристтә цәыргақәҵоуп.

АҞӘА, хәажәкыра 16 – Sputnik. Аԥсны атуризм аминистрра XXVII Жәларбжьаратәи атуристтә цәыргақәҵа MITT-2021 иалахәхоит Москва ҳәа аанацҳауеит аминистрра апресс-маҵзура.

Аԥснытәи аделегациа напхгара аиҭоит атуризм аминистр Ҭеимураз Хышба.

"Апандемиа иахьмырԥшыкәа ацәыргақәҵа аинтерес ду цәырнагоит. Аԥсны астенд еиҳа аҭааҩцәа змоу, идуу ак акәны иҟоуп ацәыргақәҵаҿы", - ҳәа иҳәеит аминистр.

© Foto / Министерство по туризму РА
Аԥсны атуризм аминистрра атуристтә цәыргақәҵа MITT-2021 иалахәхоит Москва

Ари ареспублика алшарақәа инарҭбааны иаанарԥшуеит, аинвестициақәа атәыла радԥхьалара иацхраауеит, Аԥсныҟа асасцәагьы хьанарҳәуеит. Сынтәа ауснагӡатә мҩаԥысуеит Крокус ЭКСПО аҿы хәажәкыра 16-18 рзы.

Сынтәатәи ацәыргақәҵа иалахәуп 200 тәыла: Малаизиа, Мальдивы, Ҭырқәтәыла, Бырзентәыла, Болгариа, Черногориа, Таиланд, Албаниа, Саксониа, Никарагуа уҳәа егьырҭгьы.

MITT - адунеи аҟны аԥыжәара змоу хә-цәыргақәҵак рхыԥхьаӡараҟны иҟоу Урыстәыла атуристтә цәыргақәҵоуп. Араҟа еиқәшәоит атуризм аусхк знапы алакуи уи амаҵзурақәа зхы иазырхәоуи.

7
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

1
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

1

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4