Аԥсни Кубеи атуризм аусхк аҟны аусеицура атәы иалацәажәеит

17
(ирҿыцуп 14:50 17.03.2021)
Аԥсны Аҳәынҭқарра Москва, XXVII Жәларбжьаратәи атуристтә цәыргақәҵа MITT-2021 иалахәуп.

АҞӘА, хәажәкыра 17 - Sputnik. Аԥсны атуризм аминистр Ҭеимураз Хышба XXVII Жәларбжьаратәи атуристтә цәыргақәҵа MITT-2021 аҳәаақәа ирҭагӡаны кубатәи иколлега Хуан Карлос Гарсиа Гранда диԥылеит. Абри атәы аанацҳауеит аминистрра апресс-маҵзура.

Аганқәа алацәажәеит атуризм аусхк аҟны атәылақәа рыҩба русеицура азҵаара.

"Сара аус шәыцура сазыхиоуп", - иҳәеит кубатәи аминистр, Куба атуризм аҿиашьа атәы далацәажәо.

Аԥсны атуризм аминистр Ҭеимураз Хышба ареспублика ахьыԥшымра ишазықәԥоз аҭоурых изеиҭеиҳәеит.

"Куба ҳара бзиа иаабоит. Асовет Еидгылеи Кубеи иҷыдоу аизыҟазаашьақәа рыман. Никита Хрушьиов ихаан Фидель Кастро СССР данаҭаа Аԥсныҟа дааргеит. Аԥсны Фидель фырхаҵаны дыршьоит. Иахьагьы иҟоуп иара дсасны дшырҭаз згәалашәо ауаа. Афотосахьақәа рацәаны иҭыхын", - еиҭеиҳәеит Хышба.

Атуризм аминистр агәыӷра ааирԥшит Куба Аԥсны ахьыԥшымра азханаҵап ҳәа.

Ҭеимураз Хышба иажәақәа рыла 2021 шықәсазы ареспублика 1,5 миллионҩык рҟынӡа аԥсшьаҩцәа рыдкылара иазыхиоуп.

 

17

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

0
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

0

Аԥсуа боксиор Саир Качараа Европа Аԥхьахә агаразы алшара иоуит

3
(ирҿыцуп 09:29 18.04.2021)
15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлара мҩаԥысуан мшыԥы 11 -17 рзы, Анапа.

АҞӘА, мшаԥы 18 - Sputnik. Бадри Есиава. Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит, иигаз аиааира иалнаршоит Европа Аԥхьахә аҿы иқәгылара, абри атәы Sputnik акорреспондент изеиҭеиҳәеит аспортсмен иазыҟаҵаҩцәа руаӡәк Арнольд Гәыбаз.

"Атурнир аан Саир ԥшьы-еиԥыларак мҩаԥигеит, урҭ зегьы рҿы аиааира игеит. Афинал аҟны еиԥылеит Белгородтәи аспортсмени иареи (Родион Мытник-аред.). Саир иеиндаҭлоз даара иӷәӷәан. Иаԥхьаҟа иизыԥшуп Европа Аԥхьахә аҿы ақәгылара. Саир ҩынтәуп Урыстәыла Аԥхьахә азы аиндаҭлараҟны аиааира игоижьҭеи, аха усҟан урыстәылатәи акоманда Европа Аԥхьахә агаразы имцаӡеит", - иҳәеит Гәыбаз.

© Видео Арнольд Губаз
Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит

Гәыбаз иазгәеиҭеит, ари атурнир ахь иколлегацәеи иареи Нальчикнтәи ишааз, уаҟа абокс азы Урыстәылазегьтәи атурнир мҩаԥыргон, уи иалахәын ԥшьҩык гәдоуҭатәи аспортсменцәа- ахԥатәи аҭыԥ ааникылеит Дамеи Чамагәуа, аҩбатәи-Соломон Папба, Аинар Малиеи Даут Хагәышьи актәи аҭыԥ.

Саир Качараа 15 шықәса ихыҵуеит. Анапа имҩаԥысуаз аицлабрақәа рҟны 60 кьыла рҟынӡа зыкапан наӡо дрыцықәгылон. Аспортсмен дазыҟарҵоит Арнольд Гәыбази Алиас Агрбеи.

3