Аԥсни Санкт-Петербурги атуризм аусхк аҿы аусеицуразы амеморандум рнапы аҵарҩит

12
(ирҿыцуп 15:47 17.03.2021)
Хәажәкыра 17 рзы XXVII Жәларбжьаратәи атуристтә цәыргақәҵа аҳәаақәа ирҭагӡаны Аԥсны атуризм аминистр Ҭеимураз Хышбеи Санкт-Петербург атуризм аҿиараз Аилак ахантәаҩы Сергеи Корнееви атуризм аусхк аҟны аусеицуразы амеморандум рнапы аҵарҩит.

АҞӘА, хәажәкыра 17 - Sputnik. Аԥсны атуризм аминистр Ҭеимураз Хышбеи Санкт-Петербург атуризм аҿиараз Аилак ахантәаҩы Сергеи Корнееви атуризм аусхк аҟны аусеицуразы амеморандум рнапы аҵарҩит ҳәа аанацҳауеит аминистрра апресс-маҵзура.

Министр туризма Абхазии Теймураз Хишба и председатель Комитета по развитию туризма Санкт-Петербурга Сергей Корнеев
© Foto / Министерство по туризму РА
Аԥсны атуризм аминистр Ҭеимураз Хышбеи Санкт-Петербург атуризм аҿиараз Аилак ахантәаҩы Сергеи Корнееви атуризм аусхк аҟны аусеицуразы амеморандум рнапы аҵарҩит.

Аганқәа еиқәшаҳаҭхеит атуризм аусхк аҟны аусеицуразы аҭагылазаашьа бзиақәа раԥҵара ркомпетенциақәа рҳәаа иҭагӡаны, атәылақәа рыҩба рзакәанԥҵарақәа инарықәыршәаны.

Аганқәа рнапы зҵарҩыз адокумент инақәыршәаны иацхраалоит еиҿкаау агәыԥтәии хаҭалатәии туризм, иара убасгьы аекспертцәеи иҷыдоу агәыԥқәеи реимдара, атуристтә маркетинг аусхк аҟни атуристтә аалыҵқәа рыҭираҟни рҵакырақәа рыҩба еицхыраалоит, иара убасгьы еицымҩаԥыргалоит атуристтә џьармыкьа аҭҵаара, еицеизыргалоит аинвестициатә проектқәа рзы аинформациа, еицаадырԥшлоит атуристтә инвестициа ахырхарҭақәеи аусхкқәеи.

Уи адагьы, Аганқәа ацхраалоит атуризм аусхк, асасдкылара аиндустриа уҳәа рҟны зусура мҩаԥызго ауаажәларратә еиҿкаарақәа рыбжьара аизыҟазаашьақәа рырҿиара, атуристцәа рзинқәа рыхьчара.

Амеморандум иазыԥхьагәанаҭоит аныҟәарақәа рызҵаарақәа аус рыдызуло аҭҵаарадырра аусзуҩцәа, аофициалтә хаҿқәа, ажурналистцәа реимадара, Аԥсни Санкт-Петербурги рҵаратә усҳәарҭақәа рҟны атуризм аиндустриаҿ апрофессионалтә кадрқәа рԥышәа ашьҭыхра ацхраара.

Иара убас шәаԥхьар ҟалоит:

12

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа