Иагьхараԥсам иагьбаџьым: урыстәылатәи аҳәаанырцәтәылауаҩшәҟә аԥсахраан аԥара ззыршәо

© Sputnik / Григорий Сысоев / Амедиаҵәахырҭахь аиасраП/к, посвященная выпуску биометрических загранпаспортов
П/к, посвященная выпуску биометрических загранпаспортов - Sputnik Аҧсны, 1920, 18.03.2021
Анапаҵаҩра
Зыҿҳәара иахыԥоу аҳәаанырцәтәылауаҩшәҟә аԥсахраан Урыстәыла атәылауаҩра амазаареи амамзаареи рышьақәыргыларазы ашәарамҩаԥгаразы Урыстәыла Аиҳабыра Ақәҵара рыдыркылеит 2020 шықәса жьҭаара 5 рзы.

АҞӘА, хәажәкыра 18 – Sputnik, Асмаҭ Ҵәыџьԥҳа. 2021 шықәса ажьырныҳәа 1 инаркны Урыстәыла атәылауаҩратә шәҟәы иаша змам, аха зыҿҳәара иахыԥахьоу аҳәаанырцәтәылауаҩшәҟә зыԥсахырц зҭаху 65 доллар ишәароуп Урыстәыла атәылауаҩра амазаареи амамзаареи рышьақәыргыларазы, абри атәы Sputnik иазеиҭарҳәеит Урыстәыла Ацҳаражәҳәарҭа апресс-маҵзураҿы.

"Атәылауаҩшәҟә аҿҳәара ахысразы иршәо аԥара иагьхараԥсам иагьбаџьым. Ахаҭара шьақәзырӷәӷәо аҩныҵҟатә тәылауаҩшәҟә змам аҳәаанырцәтәи итәылауаҩшәҟәы аҿҳәара цазар, ицәыӡзар ма иԥхасҭеитәзар Урыстәыла атәылауаҩра имоу имаму гәаҭатәхоит. Ари апроцедура мҩаԥысуеит 2002 абҵара 14 рзы Урыстәыла ахада ишьақәирӷәӷәаз аусдҵа инақәыршәаны", - рҳәеит аусбарҭаҿы.

Ацҳаражәҳәарҭа апресс-маҵзураҿы иазгәарҭеит аҵыхәтәантәи амшқәа рзы Аконсултә ҟәшаҿы иҟоу агәаранқәа зыхҟьаз акарантин инадҳәаланы ажьырныҳәамзеи жәабранмзеи ауааԥсыра рыдкылара ахьымҩаԥырымгоз ауп ҳәа.

"Иара убри аан апандемиа иахырҟьаны аконсултә ҟәша аусзуҩцәа рхыԥхьаӡара еиҵахеит, уи азы атәылауаа рыдкылара аграфикгьы еиҭакуп. Жәашықәсатәи атәылауаҩшәҟәқәа рыҟаҵара уажәы имҩаԥыргоит ашәахьа-ахаша, ахәаша асааҭ 12:45 рҟынӡа, егьырҭ аамҭақәа рзы ирыдыркылаз адокументқәа аус рыдырулоит", - рҳәеит апресс-маҵзураҿы.

В Севастополе начали принимать документы на выдачу российских паспортов - Sputnik Аҧсны, 1920, 17.09.2020
Акадрқәа азхом: избан аҳәаанырцә тәылауаҩшәҟәқәа рзы анкетақәа ргәаҭара зеиҵадырхо

Ацҳаражәҳәарҭа апресс-маӡаныҟәгаҩ Денис Лавриков иҳәеит атәылауаа акарантин ҟалаанӡа амаҵзурахьы аҳәаанырцәтәылауаҩшәҟә аԥсахразы идҵаалахьазар, усҟан иара аҿҳәара иахымԥацзар, аха аԥкырақәа анаԥырга ашьҭахь уи аҿҳәара цахьазар –65 доллар шәатәуп Урыстәыла атәылауаҩра ашьақәырӷәӷәаразы ҳәа.

"Ақәҵараҿы иарбам акарантинтә ԥкырақәа рзы зтәылауаҩшәҟә аҿҳәара цаз ауаа рзы еивысшьак. Ареспублика ауааԥсыра рырманшәалара даара ишаҳҭахугьы Урыстәыла Ацҳаражәҳәарҭа азин амам Аиҳабыра рыӡбра ақәымныҟәара", - иҳәеит иара.

Урыстәыла Ацҳаражәҳәарҭа Аконсултә ҟәша атәылауаа рыдкылара иалагоит хәажәкыра 1 инаркны. Хәышықәсатәи атәылауаҩшәҟәқәа рзы анкетақәа рыдкылара шымҩаԥырго ашәахьа–ахәаша асааҭ 9:00 - 13:00 рзы. 2020 шықәса абҵара 18 инаркны ԥхынҷкәын 24 рҟынӡа анкета аҭаразы ашәҟәы иану атәылауаа ишьақәыргылоу аграфик ала ирыдыркылоит.

2021 шықәса ажьырныҳәа 11 инаркны анаҩсгьы анкета аҭаразы ашәҟәы иану атәылауаа хәажәкырамза анҵәамҭазы ирыдыркылоит.

Ирхиоу хәышықәсатәи атәылауаҩшәҟәқәа рырҭалоит ашәахьа-ахәаша, асааҭ 14:00 -17:00 (ахәаша 16.00 сааҭ рҟынӡа).

Хәышықәсатәи аҳәаанырцәтәылауаҩшәҟәы азы Аконсултә шәара 2220 мааҭ иҟоуп, 10-шықәсатәи азы – 5970 мааҭ, абанк акомиссиа 50 мааҭ.

Ажәабжьқәа зегьы
0