Аекономика аизҳареи Аԥсны амадареи: Ҟрым Урыстәыла иалахәны аҿиара иалацәажәеит

10
Хәажәкыра 17 2014 шықәса рзы Ареспублика Ҟрым ахьыԥшымра рылаҳәан. Иара убри амш азы Владимир Путин иҭижьит Адҵа "Ареспублика Ҟрым азхаҵаразы", хәажәкыра 18 рзы Ҟрым Урыстәыла алаҵаразы аиқәшаҳаҭра анапы аҵаҩын.

АҞӘА, хәажәкыра 19 – Sputnik. 2014 шықәса раахыс Ҟрым арегионалтә аалыҵ азеиԥш хәҭа иацлеит, иацлеит ареспубликатә биуџьет ахь ахатә феида ахәҭагьы ҳәа арадио Sputnik иазеиҭеиҳәеит Ҟрымтәи Афедералтә университет аекономика аинститут адиректор Виктор Реутов.

Иара иажәақәа рыла, 2015 шықәса рзы арегионалтә аалыҵ азеиԥш хәҭа иацлеит 2,5 рыла еиҳаны 2014 шықәсазтәи арбагақәа ирҿырԥшны. Иацлеит абиуџьет афеидатә хәҭагьы: 2015 шықәса рзы 100 миллиард мааҭ ыҟазар, 2020 шықәсазы – 200 миллиард мааҭ ҟалеит.

"Арегионалтә аалыҵ азеиԥш хәҭа аизҳашьала Ҟрым Урыстәыла аԥхьагылара амоуп. Иҟалап ари Ҟрым аҿиара апрограмма акәзар иалзыршаз – триллион мааҭ инеиҳаны аобиектқәа ринфраструктура, амҩақәа рышьҭаҵара, ацҳақәа рыхҵара, аҳаирбаӷәазақәа рыргылара. Ари зегьы Ҟрым аҿиара иахәарҭахеит. Апрограмма анхыркәшахалакгьы аҿиара мҩаԥыслоит. Уажәы ахатәы феидақәа рыхәҭа аҿиара аиуа алагеит", - иҳәеит Реутов.

Аԥсныҟа аекспорт

Ҟрымнтәи Аԥсныҟа иааргоит аиҳарак афатәаалыҵ, ахимиатә аалыҵ. 2021 шықәсазы иазԥхьагәаҭоуп ҟрымтәи анаплакыҩцәа Аԥсныҟа раара ҳәа арадио Sputnik иазеиҭалҳәеит аекспорт адгыларазы Аладатәи арегионалтә центр адиректор Ксениа Слуцкаиа.

Лара лажәақәа рыла, Ҟрымынтәи Аԥсныҟа аекспорт 2020 шықәсазы иартәеит 2,6 миллион доллар.

"Аԥсны ҳара ҳзы реиҳа азхьаԥшра зҭаху ҭыԥуп. Ҟрымнтәи Аԥсныҟа аиҳарак инарышьҭуа: афатә, акәац, ахимиатә аалыҵқәа роуп. Аԥсуа гани ҳареи ҳаимадара агәахәара ҳнаҭоит, избанзар уа ауаа ргәы аартуп, аилаӡарақәа нагӡазарц ирылшо ҟарҵоит", - лҳәеит лара.

Слуцкаиа лажәақәа рыла, 2019 шықәсазы Ҟрымтәи аделегациа Аԥсны иаҭааит усутә визитла. Уи аамҭазы аекспорттә еилаӡарақәа нап рыҵаҩын. 2020 шықәсазы апандемиатә ԥкрақәа раан аусеицура атемпқәа маҷк икаҳаит. Аха хәажәкыра 30 рзы Симферополь имҩаԥысраны иҟоуп астол гьежь. Иара далахәхоит Урыстәыла иҟоу Аԥсны ахәаахәҭратә хаҭарнак.

"2021 шықәсазы Аԥсныҟа инеираны иҟоуп ҟрымтәи аделегациа, уи аҭакс Ҟрымҟа инеираны иҟоуп аԥснытәи аделегациа", - лҳәеит лара.

Ҟрым Урыстәыла иахәҭакхеит 2014 шықәса рзы имҩаԥгаз ареферендум ашьҭахь. 95 процент Ҟрым ауааԥсыра Урыстәыла алаларазы рыбжьы рҭиит. Москва иазгәарҭеит ҟрымаа ЕАР (ООН) аԥҟаԥҵәа инақәыршәаны рԥеиԥш алырхит ҳәа.

10

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа