Аинвестициақәеи аимиџьтә политикеи: Москва Аԥсны атуризм арҿиара иалацәажәеит

14
(ирҿыцуп 12:48 19.03.2021)
Аԥсны алахәын Жәларбжьаратәи атуристтә цәыргақәҵа MITT-2021. Ацәыргақәҵа мҩаԥысуан хәажәкыра 16-18 рзы Москва, Крокус ЕКСПО.

АҞӘА, хәажәкыра 19 - Sputnik. Астол гьежь "Аԥсны асоциал-економикатә ҿиараҿы атуризм. Атуризм аҿиара аинструментқәа аус шыруа" атемала Москватәи аԥсуа диаспора аофис аҿы имҩаԥысит хәажәкыра 18 рзы. Абри атәы аанацҳауеит атуризм аминистрра апресс-маҵзура.

Ауснагӡатә иалахәын: Аԥсны атуризм аминистр Ҭеимураз Хышба, аминистрра аусзуҩцәа, атуроператорцәа "Аква-Абазеи" "Риҵа-Тури" рнапхгаҩцәа Мариа Гыцԥҳаи Елена Лолуаԥҳаи, "Акурорт Пицунда" аменеџьер Азамаҭ Багаҭелиа, Москватәи аԥсуа диаспора рхаҭарнакцәа.

Аԥсны атуризм аминистр Ҭеимураз Хышба еиҭеиҳәеит атуристтә усбарҭа хада аусура атәы. Иҳәеит Аԥсны аҵыхәтәантәи аамҭақәа рзы атуристтә еилазаараҿы иааннакыло аҭыԥ, далацәажәеит Жәларбжьаратәи атуристтә цәыргақәҵа MITT-2021 амҩаԥысшьа.

"Иҳәатәуп атуризм аганахьала ҳреспублика алшара рацәа шамоу. Убри азы иара атәыла аекономика ахырхарҭа хадақәа иреиуаны ҳахәаԥшуеит", - ҳәа иҳәеит Хышба.

Атуризми ареспублика асоциал-економикатә ҿиареи ирылацәажәо аиԥылара алахәылацәа иазгәарҭеит иахьазы акыр шаҵанакуа атәыла алшамҭақәа хра рыманы ахрарахәара.

Астол гьежь алахәылацәа еицҿакрыла агәаанагара рымоуп ииашаны ишьақәыргылоу аимиџьтә политика ареспублика аинвестициақәа радыԥхьалараз ишхәарҭа дуу.

Аминистр иазгәеиҭеит аԥышәа маҷымкәа ишамоугьы Аԥсны ахьӡ-аԥша аларҵәаразы аминистрра аусура ду амҩа алагарҭаҿы ишгылоу.

Жәларбжьаратәи атуристтә цәыргақәҵа MITT-2021. Ацәыргақәҵа мҩаԥысуан хәажәкыра 16-18 рзы Москва, Крокус ЕКСПО. Аԥсны атуризм аминистр зхадараҿы дыҟаз аԥснытәи аделегациа ацәыргақәҵа иалахәын. Аԥснытәи апавильон аинтерес ду азаарԥшын. Аԥшьашаҽны апавильон даҭааит Урыстәылеи Аԥсни Никарагуа ацҳаражәҳәаҩыс иҟоу Альба Асусена Торрес.

Иара убас шәаԥхьар ҟалоит:

14

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

5
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

5