Ахьа иазку ацәыргақәҵа аартуп Аԥснытәи аҳәынҭқарратә музеи аҿы

23
(ирҿыцуп 16:42 19.03.2021)
Ахьа иазкыз ацәыргақәҵаҿы иӡырган еиуеиԥшым ахьалых чысқәа: амгьал, ачаԥа, ахьала ичаԥоу акәты ӡны.

АҞӘА, хәажәкыра 19 – Sputnik, Бадраҟ Аҩӡба. Ахьа иазку, иара ҵакыс иамоу, иахархәашьоу рзы ацәыргақәҵа аартуп Аԥснытәи аҳәынҭқарратә музеи аҿы хәажәкыра 19 рзы.

"Ари аҩыза аекспозициа еиҿаҳкаарц ҳаӡбеит ауаа еиҳа инарҭбааны ари аҵла атәы ауаа дырдырразы. Уажәы маҷк ирхашҭшәа иҟалазаргьы, уаанӡа даара ахархәара аман. Шҭацыԥхьаӡа ирызгылан, иара ахьа ахаҭа акәзаргьы, афатә аҿы ахархәара ду аман", - ҳәа еиҭалҳәеит амузеи аԥсабараз аҟәша аиҳабы Таисиа Аланиаԥҳа.

Ацәыргақәҵа аиҿкааҩцәа арахь иааргеит еиуеиԥшым ахьалых: амгьал, ачаԥа, ахьала ичаԥоу акәты ӡны. Арҭ афатәқәа аԥсуа чысхкқәа рҟны даара ахархәара рыман.

© Sputnik / Томас Тхайцук
Арҭ афатәқәа аԥсуа чысхкқәа рҟны даара ахархәара рыман.

Уи адагьы ацәыргақәҵа аҭааҩцәа ирыман алшара дара ахьаҵлақәа реиԥш ахьа иалхыз аҩнқәагьы рфотосахьақәа рбара.

Таисиа Аланиаԥҳа илҳәеит ацәыргақәҵа амҩаԥгараз афинанстә цхыраара шыҟанаҵаз ЕАР (ООН) афатәааглыхреи ақыҭанхамҩаарыхреи реиҿкаара.

"Афотосахьақәа зегьы авторс дрымоуп Наала Аҩӡԥҳа. Дара зегьы сахьаркыратә усумҭак еиԥшуп, избанзар иара ахьа ахаҭагьы аԥхарра анубаалоит. Афотосахьақәа рҿы иубоит аҵла ҿақәа реиԥш ақәра ду нызҵахьоугьы", - ҳәа еиҭалҳәоит лара.

  • Ахьа иазкыз ацәыргақәҵа аартын Аԥснытәи аҳәынҭқарратә музеи аҿы
    © Sputnik / Томас Тхайцук
  • Ахьа иазкыз ацәыргақәҵа аартын Аԥснытәи аҳәынҭқарратә музеи аҿы
    © Sputnik / Томас Тхайцук
  • Ахьа иазкыз ацәыргақәҵа аартын Аԥснытәи аҳәынҭқарратә музеи аҿы
    © Sputnik / Томас Тхайцук
1 / 3
© Sputnik / Томас Тхайцук
Ахьа иазкыз ацәыргақәҵа аартын Аԥснытәи аҳәынҭқарратә музеи аҿы

Аланиаԥҳа илҳәеит ахьарақәа шычмазаҩу, рхыԥхьаӡарагьы маҷ-маҷ ишеиҵахо. Реиқәырхара иахьазы аҵакы аманы ишыҟоу.

Аҵыхәтәантәи аамҭақәа рзы ицәырҵит ахьарақәа ықәызхуа ахәаҷа, убри инадҳәаланы абнақәа реиқәырхара апроблема даара иҵарны иқәгылоуп ҳәа азгәалҭеит аҟәша аиҳабы.

Ацәыргақәҵа аартуп амчыбжь аҩнуҵҟа.

Иара убас шәаԥхьар ҟалоит:

23

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа