Ахәыҷы-қәыԥштә Академиа "Зенит" ашьапылампыласыҩцәа Аԥсныҟа иааит

19
(ирҿыцуп 15:28 22.03.2021)
Ахәыҷы-қәыԥштә Академиа "Зенит" ашьапылампыласыҩцәа Аԥсны рҽазыҟаҵарақәа мҩаԥысуеит хәажәкыра 31-нӡа.

АҞӘА, хәажәкыра 22 – Sputnik, Бадраҟ Аҩӡба. Ахәыҷы-қәыԥштә Академиа "Зенит" ашьапылампыласыҩцәа Аԥсныҟа иааит аҽазыҟаҵарақәа рзы, хәажәкыра 19 рзы ҳәа Sputnik иазеиҭеиҳәеит Аԥсны ашьапылампыл азы Афедерациа ахада Ҭарашь Ҳагба.

"Аԥхьа иаҳзааит аклуб "Зенит" ахаҭарнакцәа иҳамоу аҭагылазаашьа рбарц. Ара зегьы ргәаԥхеит: аҳауа, амшын, адәқәа", - иҳәеит иара.

Санкт-Петербургтәи ашьапылампылтә клуб иазыԥхьагәанаҭоит шықәсык ахь ҩынтә-хынтә Аԥсны аҵара-ҽазыҟаҵарақәа рымҩаԥгара.

"Уажәы иааит 2005-2011 шықәсқәа рзы ииз ахәмарыҩцәа. Ҩышәҩык инарзынаԥшуа иҟоуп",- иҳәеит Ҳагба.

Иара убасгьы иазгәеиҭеит "Зенит" ахәмарыҩцәа Аԥсны иҟанаҵы аҭыԥантәи акомандақәа ишрыцыхәмаруа. Хәажәкыра 27 рзы Афон ҿыци Аҟәеи иаартхоит "Зенит" Академиа афилиал.

"Дара иалыркааз ҳазыҟаҵаҩцәа ахәыҷқәа аус рыдырулалоит. "Зенит" ахәыҷқәа рзы ахәмарратә цәамаҭәа аарышьҭлоит, ирыцхраалоит атурнирқәа рылахәраҿ", - иҳәоит Афедерациа ахада.

Уи адагьы Аԥснытәи ахәмарыҩцәа ироуеит алшара питертәи "Зенит" азы иқәгылаларц.

"Ари угәы ҟазҵо усуп, аԥсуа шьапылампыл аҿиараз ихәарҭоуп", - иҳәоит Ҳагба.

2020 шықәса цәыббрамзазы 27-ҩык азыҟаҵаҩцәа ашьапылампылтә клуб "Зенит" Академиа иаанартыз акурсқәа ирхысит. Акомандахь ирыдыркылоит 6-13 шықәса зхыҵуа ахәыҷқәа. Ашьапылампыласцәа хәыдаԥсада ироуеит аҽазыҟаҵаразы ирыхәҭоу зегьы.

Иара убас шәаԥхьар ҟалоит:

19

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

5
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10