Гәылрыԥшь ахада ааԥынтәи аӡхыҵрақәа ишырзыҟаҵоу атәы далацәажәеит

10
(ирҿыцуп 17:57 22.03.2021)
Хәажәкыра 20 рзы Аԥсны ахада Аслан Бжьаниа Гәылрыԥшь араион Уарча ақыҭеи Очамчыра араион Аӡҩыбжьа ақыҭеи рҿы аӡиас Кәыдры аҟәара даҭааны игәеиҭеит.

АҞӘА, хәажәкыра 22 – Sputnik, Бадраҟ Аҩӡба. Ашьхараҿы ишьҭоу асы рацәа Гәылрыԥшь араион ақыҭақәа ааԥынтәи аӡхыҵрақәа раан аԥхасҭа ӷәӷәа рзаанагар ауеит, абри атәы арадио Sputnik иазеиҭеиҳәеит араион ахада Аслан Бараҭелиа.

"Аслан Бжьаниа хәажәкыра 20 рзы аҟазауаа ргәаанагарала апроблема рацәа цәырызгар ауа Кәыдры аӡиас ашьҭара аҭагылазаашьа дахәаԥшит Гәылрыԥшь араион аҿы. Сынтәа асы рацәаны илеиит. Мызкы-ҩымз рнаҩс иӡыҭуа иалагоит, асыԥсагь леир ауеит", - иҳәоит иара.

Араион ахада иҳәоит аӡиас иаԥну анхарҭақәа рҭагылазаашьа шәарҭахар шалшо.

"Ахада имаз адыррала аҭыԥ ахь днеиит. Кәыдры амшын иахьалало аҭыԥ аҿы абӷанҷ, аҵла дуқәа, агәам-сам еизыҳәҳәаны еиқәыжьуп. Уи хымԥада иқәхны аӡыршьҭра аӡцарҭа аҭатәуп Уарчеи Аӡҩыбжьеи ирԥырхагамхартә", - иҳәоит Аслан Бараҭелиа.

Аԥхаррақәа раани ақәоурашьҭахьи аӡиас аҽеиунажьуеит аԥынгылақәа ахьмаҷу аҭыԥқәа рҿы.

"Хәба-фба шықәса ҵуеит ашьхараҿы асырацәа амуижьҭеи сынтәеиԥш, уи проблемахар ҟалоит ианыԥхаррахалак. Иахәҭоу атехника ыҟоуп, аусура знапы иануҵаша аиҿкаарақәагьы ыҟоуп", - иҳәеит араион ахада.

Реиҳа ишәарҭоу ҭыԥны иҟоуп ақыҭа Уарча.

Атәыла ахада Аслан Бжьаниа изықәнагоу аусбарҭақәа адҵа риҭоит Гәылрыԥшьи Очамчыреи рраионқәа рқыҭақәа Кәыдры иахьрыԥну аҭагылазаашьа ҭҵааны аҩнқәеи амхқәеи аӡхыҵра рԥырхагамхарц азы иҟарҵаша ашьаҿақәа аус рыдыруларц азы.

Аҟазауаа ишырҳәаз ала, ааԥыни аԥхыни иҟалало аӡхыҵрақәа рымшала ааигәа ишьҭоу ақыҭақәа рҿы аҩнқәеи амхурсҭақәеи аӡы рыҵалар ҟалоит. Ианаамҭоу аӡышьҭра рыцқьаны аҟәара дырӷәӷәар, ԥырхага ҟамлар алшоит.

10
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

9
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

9