Ансамбль "Амцабз" Гран-приқәа ԥшьба анашьахеит Москва афестиваль аҿы

17
(ирҿыцуп 15:02 23.03.2021)
Афестиваль "Аҟазарақәа рпланета" мҩаԥысит Москва, хәажәкыра 21 рзы. Ансамбль "Амцабз" хә-номерк ықәнаргылеит.

АҞӘА, хәажәкыра 23 – Sputnik. Ахәыҷтәы ансамбль "Амцабз" афестиваль "Аҟазарақәа рпланета" аноминациақәа ҩба рҿы аиааира агеит ҳәа Sputnik иазеиҭеиҳәеит ансамбль анапхгаҩы Лаша Марыхәба.

Ансамбль ахәаԥшыҩцәа иднарбеит аԥсуа кәашара, аԥсуа чара кәашара, ачечен кәашара, даӷьысҭантәи аҭыԥҳацәа рыкәашара, абарабанқәа рырхәмарра. Аԥсуа кәашара актәи аҩаӡара иалауреатхеит, егьырҭ – Гран-приқәа роуит. Абас ала афестиваль аҿы ансамбль аԥхьахәқәа хәба аиуит.

"Аҳамҭанашьара ашьҭахь ажиури алахәны астол гьежь мҩаԥган. Акәашарақәа ҳрылацәажәеит, ирыгу ирыбзоу азгәаҳҭеит. Ажиури алахәылацәа руаӡәк иҳәеит – шәыкәашарақәа нымҵәондаз ҳәа срыхәаԥшуан ҳәа. Афестиваль аиҿкааҩ хаҭала дҳазнеины иҳадиныҳәалеит ҳақәгыларақәа. Ахәыҷқәа уи агәахәара ду рнаҭеит", - ҳәа иҳәоит иара.

Афестиваль аҿы ицәырган аестрадатә, амилаҭтә, ацирктә коллективқәа. Зынӡа 140 номер ықәыргылан еиуеиԥшым ажанрқәа рыла.

"Амцабз" 44-ҩык акәашаҩцәа 5 - 15 шықәса зхыҵуа роуп.

"Амцабз" – москватәи ахәыҷтәы кәашаратә ансамбльуп. Напхгара азиуеит Аԥсны акультура зҽаԥсазтәыз аусзуҩ Лаша Марыхәба, еиҿкаан 2012 шықәсазы.

Афестиваль "Аҟазара адунеи" 2012 шықәса раахыс Москва, Санкт-Петербург, Калининград, Шәача, Ҟрым, Воронеж, Казань имҩаԥыргоит.

Иара убас шәаԥхьар ҟалоит:

17
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

11
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

11