Аԥсны атәылауаҩ закәаншьаҭада амаининг-хархәага Урыстәыла алагалара иҽазишәеит
(ирҿыцуп 14:35 24.03.2021)
Аԥсны рашәара 1 аҟынӡа акриптовалиута арҳаразы аусурақәа рзин ыҟам, аамҭала иаанкылоуп амаининг-хархәагақәа ралагаларагьы.АҞӘА, хәажәкыра 24 - Sputnik. Аԥсны атәылауаҩ закәаншьаҭада амаининг-хархәага Урыстәыла аҵакырахь алагалара иҽазишәон ҳәа аанацҳаит Краснодартәи аҳазалхырҭа Шәачатәи амаҵзура.
1992 шықәсазы ииз ахаҵа даанкылан аушьҭырҭатә ҭыԥ "Адлер" аҿы. Аԥснынтә инеиуаз автомашьына BMW-525 агәаҭараан аҵәахырҭа ҭыԥ адбалан. Ашьҭахьтәи апассаџьыртә ҭыԥ аҿы аметалл иалхыз акоробкақәа жәеиза ԥшаан.
Агәызҩара ыҟоуп ашьақәгыла акриптовалиута арҳара иазырхоуп ҳәа. Атауар документк ацмызт. Убри аан ахаҵа иҳәон ашәҟәы иҭагалатәу атауар шимам.
©
Foto / Пресс-служба Краснодарской таможни
Аԥсны атәылауаҩ закәаншьаҭада амаининг-хархәага Урыстәыла алагалара иҽазишәеит
Мышқәак раԥхьа аҳазалхыҩцәа иааныркылеит Аԥснынтәи аҳәаахь инеиз автомашьына MAZDA. Ашьҭахьтәи апассаџьыртә тәарҭаҿы амҩатә шәыра иҭан ацеллофан илаҳәаз 13 хеш-платақәа архьшәашәагатә радиаторқәа рыцны.
Атауар згоз имхын. Аекспертизахь инашьҭын. Аекспертиза алкаақәа рыла иӡбахоит административтә зинеилагаразы ҳәа аус хацыркхо ихацмыркхо.
Уаанӡа Аҳәынҭқарратә ҳазалхратә еилакы ахантәаҩы Оҭар Хьециа арадио Sputnik аҟны аҳәамҭа ҟаиҵеит Аԥснынтә Урыстәылаҟа ииагоуп 10 000 инареиҳаны крипто-аппарат ҳәа.
Убри аан иара иазгәеиҭеит ахархәагақәа аҳәаа рахыгаразы ишахәҭоу аҳазалхратә декларациа ахарҭәаара, аҳазалхратә пост аиҳабы ихьӡала арзаҳал аҩра, аԥхьаӡара-фактура амазаара.
Иара убасгьы ишәатәуп атауар ахәԥсаҟынтәи 0,1 процент аҳазалхратә еизга.
Аԥсны арепатриациазы уаанӡатәи аминистр Беслан Дбар иԥшаара рылаҳәоуп
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.
Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.
Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.
Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.
Иара убас шәаԥхьар ҟалоит:
-
Арепатриациаз уаанӡатәи аминистр иганахь ала аус алахәыла аҩнтәы рбаандаҩра иқәҵоуп
Урыстәылатәи агранатаршәыҩцәа ацәҟьарақәа ирықәкны ихысуан
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.
Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.
Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.
Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.
Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.