Аԥсны ҭаацәалатәи аԥсшьаразы иреиӷьу 15 тәыла иреиуахеит

13
Аԥсшьарҭаҭыԥ заанаҵы аҿаҵаразы амаҵзура TVIL.RU иҳәаақәнаҵеит 2021 шықәсазы ҭаацәала аԥсшьаразы економикала еиҳа ифеидоу аҭыԥқәа.

АҞӘА, хәажәкыра 24 - Sputnik. Аԥсны 15-тәи аҭыԥ ааннакылеит 2021 шықәсазы еиҳа зыхә мариоу аҭаацәаратә ԥсшьара ареитинг аҿы ҳәа аанацҳауеит аԥсшьарҭаҭыԥ заанаҵы аҿаҵаразы амаҵзура TVIL.RU.

Урыстәылатәи арегионқәа хәба – аԥхынтәи аԥсшьара бжьаратәла 10 000 мааҭ иахьреиҳам ракәны иҟоуп: Воронежтәи, Волгоградтәи, Ростовтәи аобластқәа, Ҟабарда-Балкариа, Ҭаҭарсҭан.

Асиа шьақәыргылоуп аԥсшьарҭаҭыԥ заанаҵы аҿаҵаразы амаҵзура адыррала, абасгьы иҟоуп:

Еиҳа ифеидоу ахырхарҭақәа:

  1. Воронежтәи аобласт - 1 869 мааҭ*
  2. Волгоградтәи аобласт – 3 353 мааҭ
  3. Ҟабарда-Балкариа – 4 000 мааҭ
  4. Ростовтәи аобласт - 6 535 мааҭ
  5. Ҭаҭарсҭан – 9 228 мааҭ
  6. Оренбургтәи аобласт – 13 750 мааҭ
  7. Москватәи аобласт - 15 548 мааҭ
  8. Ставропольтәи атәылаҿацә – 16 201 мааҭ
  9. Новосибирсктәи аобласт – 17 315 мааҭ
  10. Калининградтәи аобласт – 17 429 мааҭ
  11. Башкириа (Башкортосҭан) – 18 529 мааҭ
  12. Иарославтәи аобласт – 19 007 мааҭ
  13. Ленинградтәи аобласт – 19 093 мааҭ
  14. Алтаи - 24 700 мааҭ
  15. Аԥсны – 26 201 мааҭ.

*Абжьаратә чек

13

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

5
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

5

Аԥсуа боксиор Саир Качараа Европа Аԥхьахә агаразы алшара иоуит

3
(ирҿыцуп 09:29 18.04.2021)
15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлара мҩаԥысуан мшыԥы 11 -17 рзы, Анапа.

АҞӘА, мшаԥы 18 - Sputnik. Бадри Есиава. Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит, иигаз аиааира иалнаршоит Европа Аԥхьахә аҿы иқәгылара, абри атәы Sputnik акорреспондент изеиҭеиҳәеит аспортсмен иазыҟаҵаҩцәа руаӡәк Арнольд Гәыбаз.

"Атурнир аан Саир ԥшьы-еиԥыларак мҩаԥигеит, урҭ зегьы рҿы аиааира игеит. Афинал аҟны еиԥылеит Белгородтәи аспортсмени иареи (Родион Мытник-аред.). Саир иеиндаҭлоз даара иӷәӷәан. Иаԥхьаҟа иизыԥшуп Европа Аԥхьахә аҿы ақәгылара. Саир ҩынтәуп Урыстәыла Аԥхьахә азы аиндаҭлараҟны аиааира игоижьҭеи, аха усҟан урыстәылатәи акоманда Европа Аԥхьахә агаразы имцаӡеит", - иҳәеит Гәыбаз.

© Видео Арнольд Губаз
Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит

Гәыбаз иазгәеиҭеит, ари атурнир ахь иколлегацәеи иареи Нальчикнтәи ишааз, уаҟа абокс азы Урыстәылазегьтәи атурнир мҩаԥыргон, уи иалахәын ԥшьҩык гәдоуҭатәи аспортсменцәа- ахԥатәи аҭыԥ ааникылеит Дамеи Чамагәуа, аҩбатәи-Соломон Папба, Аинар Малиеи Даут Хагәышьи актәи аҭыԥ.

Саир Качараа 15 шықәса ихыҵуеит. Анапа имҩаԥысуаз аицлабрақәа рҟны 60 кьыла рҟынӡа зыкапан наӡо дрыцықәгылон. Аспортсмен дазыҟарҵоит Арнольд Гәыбази Алиас Агрбеи.

3