Аконтрабанда мҩанызгоз амашьына аҳәааҿы иааныркылеит

4
(ирҿыцуп 10:18 26.03.2021)
1600 пачка асигарет, автомашьынаҿы иҭаҵәахны ииаргоз рыԥшааит амаҵзуратә ла ацхыраарала.

АҞӘА, хәажәкыра 26 - Sputnik. Аҳазалхырҭатә ҭыԥ "Адлер" аҿы аҳазалхратәии аҳәаахьчаратәии гәаҭарақәа раан иаанкылан автомашьына "Мерседес-Бенц E200", Аԥснынтәи Урыстәылаҟа амҩа иқәыз. Абри атәы аанацҳауеит Краснодартәи аҳазалхырҭа Шәачатәи амаҵзура.

Амаҵзуратә ла Дана ацхыраарала аҟазауаҩ-кинолог амашьына ангәеиҭоз иԥшааит атранспорттә хархәагаҿы изакәанмыз атауар.

Инарҭбааз аԥшаараан еилкаахеит "Мерседес" аҭаҭын ҭаҵәахырҭа шамаз. Ашьҭахьтәи атәарҭа анҭырх уа иаарԥшын алиук-ҭаԥҟа. Уи анаҩс иаарԥшын абак. Абылтәыҭаҭәарҭа бак аҿы иҵәахын аконтрабанда – аҭаҭын аалыҵ. Абак егьи ахәҭахьала абылтәыҭаҭәарҭала еиҿкаан. Аҩбатәи аҵәахырҭа абагаж аҿы иҭаҟаҵан.

© Foto / Пресс-служба Краснодарской таможниа Краснодарской таможни
Аконтрабанда мҩанызгоз амашьына аҳәааҿы иааныркылеит

Агазтә баллон ахь алаԥш аҟәыгазарц аредуктор ала ашлангқәа ҩба нашьҭын. Ашлангқәа амхны аредуктор анахырх, ирбеит иҵәахыз аҭаҭын ҭоԥқәа.

Иаарԥшыз аконтрабанда 120 ҭоԥи 395 пачкеи аԥснытәи акцизқәа рықәын: "CAVALLOSYNS", "CAVALLOSUPERSLIM". Дара зегьы азауадтә еилаҳәарала еиҿкаан. Амашьына аԥсҟы зкыз Калининград ақалақь датәын. Иара иҳәеит аҭаҭын аалыҵ Аԥсны ишааихәаз Урыстәыла аҭиразы.

© Foto / Пресс-служба Краснодарской таможни
Аконтрабанда мҩанызгоз амашьына аҳәааҿы иааныркылеит

Атауари автомашьынеи изтәыз имхын, аҭҭын аалыҵ аекспертизахь инашьҭын. Абри аус аганахь ала  Урыстәыла АЗ ахәҭаҷ 16.3; ахәҭаҷ 16.1 ахәҭа 2 инарықәыршәаны аусҭҵаара хацыркуп.

4

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

2
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

2
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

2
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

2