Ихыркәшоуп урыстәылатәи аҵараиурҭақәа рахь аԥснытәи абитуриентцәа ралкаара актәи аетап

6
(ирҿыцуп 12:16 26.03.2021)
Аԥснытәи абитуриентцәа еиҳа иалыркаауа хырхарҭаны иҟоуп – амедицина, аекономика, азиндырра, архитектура, аргылара.

АҞӘА, хәажәкыра 26 - Sputnik. Ихыркәшоуп урыстәылатәи аҵараиурҭақәа рахь аԥснытәи абитуриентцәа ралкаара актәи аетап. Абри атәы арадио Sputnik иазеиҭеиҳәеит Аԥсны иҟоу Россотрудничество ахаҭарнакра анапхгаҩы Вадим Чеха.

Иара иажәақәа рыла аҭаҩратә аамҭа активла имҩаԥысит. Зынӡа арзаҳалқәа 250 нашьҭын, аха урҭ рҟынтәи 115 аус еиҭарыдулатәуп.

"Исҭахуп абитуриентцәеи урҭ рҭаацәеи идсырдырырц анкетақәак аус еиҭашрыдулатәу. Аус зыдуло анкетақәа ҳадаҳкылоит хәажәкыра 26 асааҭ 18:00 рҟынӡа. Нас аҭаҩратә система ииашам анкетақәа аунамышьҭуа иалагоит. Аусеиҭадулара уадаҩӡам. Аиҳарак атәылауаҩшәҟә рыцым, атәылауаҩра бжьажьуп. Аиҳарак анкетақәа иашаны ихарҭәаауп", - иҳәеит Вадим Чеха.

Аквотақәа рҳәаа иҭагӡаны иазыԥхьагәаҭоуп аспирантура, амагистратура, абакалавриат рҿы аҵараҵара.

Аспирантурахь 2021 шықәсазы аквотақәа хәба ыҟоуп. Россотрудничество анапхгаҩы иажәақәа рыла аспирантурахь ицо рзы аԥыжәара амоуп - аекономика. Ҭыԥк аҿы ароуп еиҳа ауаа ахьырацәо. Убри аан игәыгәҭажьхеит абиологиатә наукақәа, адефектологиатә ҵара.

"Абиологиатә наукақәа рзы ҵыԥх иҟан аквотақәа аха Аԥсны, ари аганахь ала алшарақәа ахьырацәо, Анаукақәа ракадемиа, НИЕПИТ рҩызцәа аус ахьыруа иҵегьы ари ахырхарҭа алыркаауазар акәын. Абри аганахь ала ААУ, Анаукақәа ракадемиа рнапхгаҩцәа ҳрацәажәашт", - иҳәеит Чеха.

Аекономикеи анапхгараҭареи амагистратура иҭало рҿы аинтерес рымоуп. Иара убри аан аелектроника, арадиотехника, аимадара асистема ринтерес зку маҷуп.

"Иаҳҭахын абитуриентцәа асеиԥш иҟоу азанааҭқәа ирызхьаԥшларц. Арҭ ахырхарҭақәа аԥеиԥш ду рымоуп", - иҳәоит Россотрудничество анапхгаҩы.

Абакалавриат иҭало рыбжьара традициа ҳасабла иалыркаауеит архитектуреи аргылареи. Аха еиҳарак иалыркаауа амедициноуп.

Имаҷым аҟазаратә хырхарҭа алызхуа. Ари ахырхарҭаҿы быжь-квотак ыҟоуп, аҭалара зҭаху 16-ҩык ыҟоуп. Сынтәа арзаҳалқәа нашьҭын афатә аалыҵ, арыжәтәаалыҵ, агеологиа, ашьхаус, аинформациатә системақәеи атехнологиақәеи рхырхарҭала.

Аспирантура аҟнеиԥш абакалавриат аҿгьы абиологиатә хырхарҭа зҭаху ыҟам.

6

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

5
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

5