2021-тәи акурорттә сезон азы Аԥсныҟа "иаку" абилеҭ аҭира иалагеит

6
"Иаку" абилеҭ – атранспорттә хкқәа зегьы аҵаркны аныҟәара амаршрут зегьы азы транспорттә документк аахәара алнаршоит.

АҞӘА, хәажәкыра 26 - Sputnik. 2021-тәи акурорттә сезон азы Урыстәылатәи арегионқәа рҟынтәи Аԥсныҟаи шьҭахьҟаи "иаку" абилеҭ аҭира иалагеит ҳәа аанацҳауеит АНО "Иаку атранспорттә дирекциа" асаит.

Уажәазы аиҿкаара аҽазыҟанаҵоит амультимодальтә пассаџьыртә мҩаԥгара аиҭахацыркра ҳәа арадио Sputnik иазеиҭалҳәоит "Иаку атранспорттә дирекциа" апресс-маӡаныҟәгаҩ Викториа Шестакова.

"Иаку" абилеҭ иармариоит алогистикатә процессқәа зегьы, иацхраауеит атуристцәа рзы акрызҵазкуаны ишьо аамҭа аркьаҿра", - лҳәоит Шестакова.

Атуристцәа мҩаныргоит Адлер аихамҩатә вокзали Шәача аҳаиртә баӷәазеи рҟны аҽа транспортк ахь ииаганы мшаԥы 30 инаркны цәыббра 30 рҟынӡа Аԥсны ақалақьқәа: Гагра, Пицунда, Гәдоуҭа, Афон ҿыц, Аҟәа рахь. Абилеҭ ахархәара ауеит Адлертәи аихамҩатә вокзал аҟынӡа дәыӷбала аара, нас Аԥсныҟа автобусла ацара аиԥш ҳаирпланла Шәачанӡа аара, нас Аԥсныҟа автобусла ацара аформақәа рыла.

Аԥсуа-аурыс ҳәаа ахысраан апассаџьыр апаспорттә гәаҭара апроцедура дахысуеит. Автобус атуристцәа агәаҭара-аушьҭырҭатә пункт аҟынӡа инанагоит. Апроцедура иахысыз Аԥсны аҵакыраҿтәи аангыларҭаҿы ирзыԥшу автобус ахь инеины рымҩа иацырҵоит.

"Иаку" абилеҭ "адәыӷба + автобус" аахәара ауеит аихамҩатә вокзалқәа ркассаҿы аиԥш ИАЕ "РЖД" асаит аҿы. Абилеҭ "аҳаирплан + автобус" аахәара алшоит Атранспорттә клирингтә палата амаҵзуратә ҳаҿы.

Ахәԥса: Шәача – Гагра – 458 мааҭ., Шәача – Пицунда – 506 мааҭ., Шәача — Гәдоуҭа – 582 мааҭ., Шәача –Афонҿыц – 657 мааҭ., Шәача – Аҟәа – 707 мааҭ.

"Иаку" абилеҭ – атранспорттә хкқәа зегьы аҵаркны аныҟәара амаршрут зегьы азы транспорттә документк аахәара алнаршоит. Аԥсныҟа "иаку" абилеҭ ала аара алыршоуп 2017 шықәса раахыс.

6

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

0
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

0

Аԥсуа боксиор Саир Качараа Европа Аԥхьахә агаразы алшара иоуит

3
(ирҿыцуп 09:29 18.04.2021)
15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлара мҩаԥысуан мшыԥы 11 -17 рзы, Анапа.

АҞӘА, мшаԥы 18 - Sputnik. Бадри Есиава. Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит, иигаз аиааира иалнаршоит Европа Аԥхьахә аҿы иқәгылара, абри атәы Sputnik акорреспондент изеиҭеиҳәеит аспортсмен иазыҟаҵаҩцәа руаӡәк Арнольд Гәыбаз.

"Атурнир аан Саир ԥшьы-еиԥыларак мҩаԥигеит, урҭ зегьы рҿы аиааира игеит. Афинал аҟны еиԥылеит Белгородтәи аспортсмени иареи (Родион Мытник-аред.). Саир иеиндаҭлоз даара иӷәӷәан. Иаԥхьаҟа иизыԥшуп Европа Аԥхьахә аҿы ақәгылара. Саир ҩынтәуп Урыстәыла Аԥхьахә азы аиндаҭлараҟны аиааира игоижьҭеи, аха усҟан урыстәылатәи акоманда Европа Аԥхьахә агаразы имцаӡеит", - иҳәеит Гәыбаз.

© Видео Арнольд Губаз
Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит

Гәыбаз иазгәеиҭеит, ари атурнир ахь иколлегацәеи иареи Нальчикнтәи ишааз, уаҟа абокс азы Урыстәылазегьтәи атурнир мҩаԥыргон, уи иалахәын ԥшьҩык гәдоуҭатәи аспортсменцәа- ахԥатәи аҭыԥ ааникылеит Дамеи Чамагәуа, аҩбатәи-Соломон Папба, Аинар Малиеи Даут Хагәышьи актәи аҭыԥ.

Саир Качараа 15 шықәса ихыҵуеит. Анапа имҩаԥысуаз аицлабрақәа рҟны 60 кьыла рҟынӡа зыкапан наӡо дрыцықәгылон. Аспортсмен дазыҟарҵоит Арнольд Гәыбази Алиас Агрбеи.

3