Тҟәарчалтәи араионтә хәышәтәырҭа мшаԥымзазы ахархәарахь ирырҭоит

© Foto / Министерство экономики РАКристина Озган проинспектировала строительство ЦРБ в Ткуарчале
Кристина Озган проинспектировала строительство ЦРБ в Ткуарчале - Sputnik Аҧсны, 1920, 26.03.2021
Анапаҵаҩра
Тҟәарчалтәи араионтә хәышәтәырҭа 2017 шықәса рзы Аинвистициатә программа аҳәаақәа ирҭагӡаны аргылара иалагеит.

АҞӘА, хәажәкыра 26– Sputnik. Тҟәарчалтәи араионтә хәышәтәырҭа мшаԥымзазы ахархәарахь ирырҭоит ҳәа иҳәеит арадио Sputnik аинтервиу азҭаз Аҳәынҭеилахәыра "Аԥсныргылара" адиректор Руслан Тәанба.

Ткуарчальская ЦРБ - Sputnik Аҧсны, 1920, 16.02.2021
Тҟәарчалтәи ахәшәтәырҭа акорпус хада ҩымчыбжь рыла аиҭашьақәыргылара хыркәшахоит

"Иацы аобиект даҭааны илбеит аԥыза-министр ихаҭыԥуаҩ, аекономика аминистр Кристина Озган. Ахәышәтәырҭатә комплекс ахь иаҵанакуеит акрыфарҭа, ацхыраара ласы, аморг, агаражқәа. Зегь ааидкыланы мшаԥымза нҵәаанӡа ахархәара иазырхиахоит", - иҳәеит иара.

Тәанба иазгәеиҭеит ахәышәтәырҭа ахаҭабзиаратә стандарт ҳаракқәа ирықәшәо ишыҟоу, акомплекс ахыбра жә-баллк иҟоу адгьылҵысра ачҳартә ишышьақәыргылоу.

"Аҩныҵҟатә усурақәа мҩаԥысуеит. Аҿҳәарақәа ҳархымԥартә аус аауеит. Аобиект дууп. Аусурақәагьы маҷым", - иҳәоит Руслан Тәанба.

Уи адагьы уажәы уахь анагара иаҿуп амедицинатә хархәагақәа, урҭ рықәыргылара 10-15 мшы аҭаххоит.

2020 шықәса нанҳәазы арахь днеины дыҟан аинспекциаҟаҵаразы Урыстәыла аекономикатә ҿиара аминистр Михаил Бабич. Усҟан аҭагылазаашьа иаҿырԥшны аргылара аԥаразоужьра алимит иацҵан. Уи ишьақәнартәеит 258 миллион мааҭ.

Ахәышәтәырҭа 80 иара акуеит, Тҟәарчал араиони ааигәа-сигәатәи ақыҭақәеи руааԥсыра рымаҵ ауа иҟалоит.

Ажәабжьқәа зегьы
0