Аслан Бжьаниа ашьапылампылтә клуб "Зенит" анапхгара идикылеит

15
(ирҿыцуп 20:40 26.03.2021)
Мчыбжьык ҵуеит Аԥсны имҩаԥысуеижьҭеит ашьапылампылтә клуб "Зенит" ахәыҷы-қәыԥштә Академиа ааӡамҭацәа рҽазыҟаҵарақәа. Уаҵәы имҩаԥысраны иҟоуп Аҟәеи Афон ҿыци рҿы аклуб афилиалқәа раартра ацеремониа.

АҞӘА, хәажәкыра 26 - Sputnik. Аԥсны ахада Аслан Бжьаниа ашьапылампылтә клуб "Зенит" аделегациа, зхадараҿы аклуб адиректорцәа Рхеилак ахантәаҩы Елена Илиухина дыҟоу, идикылеит ҳәа аанацҳауеит ахада исаит.

Аделегациа иалахәуп: "Зенит" адиректор хада Александр Медведев, ихаҭыԥуаҩ Максим Погорелов, азыҟаҵаҩцәа рҟазара ацҵарҭа ацентр адиректор Сергеи Морозов.

Аслан Бжьаниа "Зенит" анапхгара ҭабуп ҳәа реиҳәеит Аԥснытәи ашьапылампыласыҩцәа ҿарацәа рааӡара аџьабаа ахьадырбало азы.

"Аус ду ҟашәҵоит, ҭабуп ҳәа ахаҳҳәаауеит", - иҳәеит ахада.

Асасцәа агәаларшәагатә ҳамҭақәа рыҭан.

Аиԥылараҿы иалацәажәан ареспубликаҿы ашьапылампыл аҿиара.

Иара убас шәаԥхьар ҟалоит:

15

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

2
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

2
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

2
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

2