"Зенит" Академиа афилиал аадыртит Аԥсны

19
(ирҿыцуп 21:36 28.03.2021)
Ашьапылампылтә клуб "Зенит" Ахәыҷы-қәыԥштә академиа аҽазыҟаҵаратә еизгарақәа Аԥсны имҩаԥыслоит хәажәкыра 31 рҟынӡа.

АҞӘА, хәажәкыра 27 – Sputnik, Асмаҭ Ҵәыџьԥҳа. Ашьапылампылтә клуб "Зенит" Ахәыҷы-қәыԥштә академиа Аԥсны аартра иазкыз агәырӷьаратә концерт мҩаԥысит Аҳәынҭқарратә филармониаҟны хәажәкыра 27 рзы.

Асасцәа бзиала шәаабеит ҳәа раҳәо, Аҿари аспорти рзы Аԥсны аҳәынҭқарратә еилакы ахантәаҩы Џьамал Гәбаз "Зенит" анапхгара иҭабуп ҳәа реиҳәеит афилиалқәа Аҟәеи Афон ҿыци иахьаадыртыз азы, иагьазгәеиҭеит ареспублика ашьапылампыласцәа қәыԥшцәа рзы ари шылшара бзиоу наҟ-наҟтәи рыҿиарамҩазы.

Ашьапылампылтә клуб "Зенит" ахада Александр Медведев иазгәеиҭеит афилиалқәа раартра абас гәырӷьаратә концертла афилармониаҿы амҩаԥгара баша ишыҟамлаз, избанзар ашьапылампыл ҟазара хкык аҳасабала иахәаԥшуеит.

"Ашьапылампыл аҿы иҟоуп аинтрига, адрама, аха иҟоуп аҟазара излеиԥшымгьы - ара ахаан иуздырӡом алҵшәа зеиԥшрахо. Иарбан хырхарҭазаалак аҟны абаҩхатәра улазар ҟалоит, аха аџьабаа ухы иадумбалар, ушьапылампыласыҩ духаӡом. Академиа аартуа, агәыӷра ду ааҳарԥшуеит шәара шәшьапылампыласцәа бзианы шәшыҟало, шәуаа бзиақәаны ишшәызҳауа", - иҳәеит иара, иагьациҵеит Санкт-Петербургнтәи ашьапылампыласцәа уажәшьҭарнахыс аԥсынтәи рколлегацәеи дареи рԥышәа шеимырдало.

Аԥсны Амилаҭтә олимпиатә еилакы ахада Валери Аршба имӡакәа иҳәеит иара питертәи "Зенит" бзиа ишибо, дазҿлымҳауижьҭеи акыр шықәса шҵуа, уи злахәу ахәмаррақәа ак бжьамыжькәа ртранслиациақәа дышрыхәаԥшуа.

Асценаҟны иқәгылеит Аҳәынҭқарратә акәашаратә ансамбльқәа "Кавкази" "Абазеи". Ахыркәшамҭаз питертәи акоманда алахәылацәа Аԥсны афилиалқәа ршьапылампыласцәа ҳамҭас ирырҭеит "Зенит" алоготип зныз акьаҿқәа.

Ашьапылампылтә клуб "Зенит" Ахәыҷы-қәыԥштә академиа аҽазыҟаҵаратә еизгарақәа Аԥсны имҩаԥыслоит хәажәкыра 31 рҟынӡа. Санкт-Петербургтәи ашьапылампылтә клуб агәы иҭоуп шықәсык ахь изныкымкәа аҽазыҟаҵарақәа Аԥсны рымҩаԥгара.

19

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10