Аԥснынтәи Урыстәылаҟа аҳәаанырцәтә машьынақәа ралагаларазы изакәанымкәа асхема еиҿкаан

3
(ирҿыцуп 12:56 29.03.2021)
Ахаҵа изакәанымкәа асхема еиҿикааит Аԥснынтәи Урыстәылаҟа аҳәаанырцәтә машьынақәа ралагаларазы, анаҩс урҭ рыҭиразы.

АҞӘА, хәажәкыра 29 - Sputnik. Краснодартәи аҳазалхыҩцәа иаадырԥшит 3,5 миллион мааҭ аҳазатә шәара амҩаԥгара аҽацәхьакра ахҭыс. Абри атәы аанацҳауеит Краснодартәи аҳазалхрҭаа апресс-маҵзура.

Аусҭҵаара адыррақәа рыла Ставропольтәи атәылаҿацә ауаҩԥсы изакәанымкәа асхема еиҿикааит Аԥснынтәи Урыстәылаҟа аҳәаанырцәтә машьынақәа ралагаларазы, анаҩс урҭ рыҭиразы.

Америкатәи аукционқәа рҿы акласс "мусклкаров" иаҵанакуа аспорттә автомашьынақәа ("Форд Мустанг", "Додж Чарджер", "Шевроле Камаро" у.е.) ааихәеит, Аԥсны ашәҟәы иҭеигалеит, нас ЕАЕС аҵакырахь ииеигеит жәларбжьаратәи амҩангаразы атранспорттә хархәагак аҳасаб ала.

Иара аахәаҩцәа ԥшааны, ЕАЕС аҵакыраҿы амашьынақәа алегалтәра иахижьуан аԥаршеи документқәа рышьаҭала, иагьиҭиуан аҳазалхратә шәарақәеи абаџьқәеи рыда.

ЕАЕС аҵакырахь аҳазалхратә шәарақәа мҩаԥымгакәа атранспорттә хархәага "Шевроле Камаро" алагаларазы Краснодартәи аҳазалхырҭа ашьаус хацнаркит.

3
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

0
(ирҿыцуп 16:25 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла Дбар, амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиа, Арепатриациазы афонд атехникатә хылаԥшра анџьныр Денис Ақаҩба иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахь ала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

0

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4