370 миллион мааҭ инеиҳаны акоронавирус иақәдырӡит Аԥсны шықәсык аҩныҵҟа

12
(ирҿыцуп 16:00 30.03.2021)
Зегь раасҭа аԥара ақәхарџьын Гәдоуҭатәи аковид-центр, аныхратә материалқәа, амедицинатә хархәагақәа, аҳақьымцәа рзы аԥарацҵа ашәара уҳәа рзы.

АҞӘА, хәажәкыра 30 - Sputnik, Сариа Кәарцхьиаԥҳа. 370 миллион мааҭ инеиҳаны акоронавирус иақәдырӡит Аԥсны шықәсык аҩныҵҟа ҳәа Sputnik иазеиҭарҳәеит Аԥсны афинансқәа рминистрраҟны.

"Аԥсны ауааԥсыра акоронавирустә ҿкыра рыламырҵәаразы 2020 шықәса хәажәкыра 26 инаркны 2021 шықәса хәажәкыра 26 рҟынӡа иныхуп 375 386 745 мааҭ", - аҳәоит адырраҭараҿы.

Аиҳарак ахарџьқәа зыхҭынҵаз аныхратә материалқәеи амедицинатә хархәагақәеи роуп.

Абри аус иахҭынҵан 225 миллион 700 нызқьмааҭ. Урҭ рҟынтәи:

  • Иԥсабаратәымкәа арыԥҳақәа аҳауарҭарсга аппарат– 29 миллион мааҭ;
  • Еиҭаҵуа арентгенодиагностикатә цифратә шьақәгылақәа –16 миллион мааҭ инеиҳаны;
  • "Амедицинатә инструментари, аинвентар, ахархәагақәа" –28 миллион 300 нызқьмааҭ инареиҳаны;
  • ПЦР-линиақәа ҩба SARS-cov-2 адиагностиказы– 11,5 миллион мааҭ;
  • Ахәшәқәа, ахыхьчагақәа, аныхратә материал –140 миллион 700 нызқь мааҭ;
  • Авирус иаҿагыланы ақәԥара иалахәыз амедусзуҩцәа ршәарацҵа –67 миллион мааҭ.

Гәдоуҭатәи ковид-центр аусура иақәхарџьын 58 миллион 700 нызқь мааҭ, акомпиутертә томограф аахәара, апациентцәа рыкрыфара, аныхга материал аахәара абрахь иналаҵаны.

ПЦР-лабораториа Очамчыра аиҿкаара иагеит 2 миллионки 350 нызқь мааҭ.

6 миллионки бжаки ақәхарџьын амедицинатә ҵәыҵәри анагареи ашьақәыргылареи. 14 миллиони 900 нызқь мааҭ – акарантин иҟаз атәылауаа рынхарҭазы.

12
Атемақәа:
Аҿкычымазара – акоронавирус Аԥсни адунеи аҿи: иалкаау (1189)

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

2
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

2
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

2
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

2