Аҟәатәи амҩақәа хԥа рҿы ақәаршыҩцарҭақәа ашықәс актәи азыбжазы ирыԥсахуеит

7
(ирҿыцуп 17:37 30.03.2021)
Аԥыза-министр ихаҭыԥуаҩ, аекономика аминистр Кристина Озгани Аҟәа ақалақь ахада Беслан Ешбеи акоммуникациатә ҳақәа ахьырыԥсахуа аҳҭнықалақь амҩақәа ирҭааны ирбеит хәажәкыра 29 рзы.

АҞӘА, хәажәкыра 30 – Sputnik. Абазақәа, Џьонуа, Гәлиа рымҩақәа рҿы ақәаршҩцарҭатә коллекторқәа ԥсаххоит 2021 шықәса актәи азыбжазы, абри атәы лҳәеит аекономика аминистр Кристина Озган Аҟәа ахадара апресс-маҵзура аинтервиу аҭо.

Аҟәа амҩақәа хԥа рҿы акоммуникациатә ҳақәеи аӡымҩангагақәеи рыԥсахраз аусурақәа ирылаган 2020 шықәсазы Аинвистициатә программа аҳәаақәа ирҭагӡаны. Аусзурақәа рзеиԥш хәыԥса 144 миллион мааҭ ыҟоуп ҳәа ишьоуп, аихшьаалатә хәыԥса еилкаахоит апроект-сметатә документациа аекспертиза ашьҭахь ҳәа рҳәеит аминистрраҿы.

Иазыԥхьагәаҭоуп мшаԥымзазы аилаӡарақәа шымҩаԥгахо. Аремонттә усурақәа мҩаԥнагоит Аҟәа ахадара акоммуналтә маҵзура. Ҭыԥ-цыԥхьаӡа ҩба-ҩба мза иадхалоит. Акоммуналтә усзуҩцәа русура ԥхынгәымза алагамҭазы ихдыркәшараны иазыԥхьагәарҭоит – акурорттә сезон иалагаанӡа.

Аҟәа ахадара анхарҭа-коммуналтә нхамҩа адепартамент адиректор ихаҭыԥуаҩ Руслан Аҩӡба иажәақәа рыла аҭагылазашьа уадаҩуп Абазақәа рымҩаҿы, уа аҵла-дацқәа аколлекторқәа ирҭиааны иҟоуп.

"Абетонтә плитақәа ықәхтәхоит, аҵеиџьқәа ҭрыцқьаатәуп. Ганкахьы аплита ҿыцқәа ықәуҵар ауеит, егьи аган ахь атруба шьҭхоит", - иҳәеит иара.

Аекологиаз Аҳәынҭеилакы ахантәаҩы ихаҭыԥуаҩ Мурман Соломко иҳәеит Абазақәа рымҩаҿы аҵлақәа ҿыцны еиҭаҳазар шалшо. Ақалақь ахада Беслан Ешба аҿыц иаҵәара ахәԥса ашәара дшадгыло азгәеиҭеит.

Иара убасгьы ақалақь ахада агәҭынчымра ааирԥшит аинспекциа ззыруыз амҩақәа рҿы иҟоу аҭагылазаашьазы, иааиуа амшқәа рзы ажрақәа ахаҳә рҭаԥсатәуп иҳәеит.

7

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа