Апарламент абиуџьеттә усзуҩцәа руалафахәы аицфинансркразы аиқәшаҳаҭра аратификациа азнауит

12
(ирҿыцуп 14:17 31.03.2021)
Аԥсны Жәлар Реизара - Апарламент аилатәара мҩаԥысует ахаша хәажәкыра 31 рзы.

АҞӘА, хәажәкыра 31 - Sputnik, Асмаҭ Ҵәыџьԥҳа. Аԥсны Апарламент аратификациа азнауит агәабзиарахьчара, аҵарадырра, аҭҵаарадырра, акультура, аспорт, асоциалтә маҵура аусхкқәа рҟны аҳәынҭқарратә усбарҭақәа русзуҩцәа руалафахәқәа Урыстәыла ахьӡала рыцҵаразы Аԥсни Урыстәылеи рыбжьара аиқәшаҳаҭра аратификациа азнауит.

Аԥкаанҵа иазԥхьагәанаҭоит Урыстәылатәи Афедерациантәи иаанашьҭуа аԥара 8,733% рыла аиҵатәра, Аԥсны Аҳәынҭқарра ашәахтә ааимҭақәа ҳасаб рзуразы.

Иарбоу аиҭакрақәа абжьаратә уалафахәы аҩаӡараҟынӡа анагара иаԥырхагам.

Урыстәылатәи аган иҟанаҵо аицфинансркра аԥҟара хадас иҟоуп аԥсуа ган аҿаԥхьа агәабзиарахьчареи, аҭҵаарадырреи, аҵареи, акультуреи, аспорти, асоциалтә маҵуреи русхкқәа хаҳарала русуразы иазгәаҭоу аусмҩаԥгатәқәа рплан нанагӡартә еиԥш иҟанаҵарц.

Аԥыза-министр инапынҵақәа назыгӡо Владимир Делба иазгәеиҭеит арҭ акатегориақәа рзы ауалафахәы абжьаратә рбагақәа 16 000 нызқь мааҭ мызкала. 2021 шықәсазы уи наӡоит 19,5 нызқь мааҭ рҟынӡа, 2022 шықәса рзы - 20 нызқь рҟынӡа.

12

Аԥсны афымцарцәара аграфик ԥсахуп

0
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

0
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

4
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

4