Аԥсны закәаншьаҭада афымцамч ахархәаразы ахара дырӷәӷәеит

11
Аԥсны Апарламент адепутатцәа рыбжьы арҭеит Административтә зинеилагарақәа Рзакәанеидкыла аԥсахрақәа ралагаларазы хәажәкыра 3 рзы актәи аԥхьарала.

АҞӘА, хәажәкыра 31 – Sputnik, Асмаҭ Ҵәыџьԥҳа. Аԥсны Апарламент адепутатцәа рыбжьы арҭеит Административтә зинеилагарақәа Рзакәанеидкыла аԥсахрақәа алагаларазы хәажәкыра 31 рзы аҩбатәи аԥхьарала.

Афымцамч закәаншьаҭада ахархәаразы административтә хара атәылауаа, ахаланаплакыҩцәа, аиурист хаҿқәа ирықәырҵоит киловатт-сааҭк азы иреиҵаӡоу аулафахәы ҩеижәа хышәаҵышәала ишьҭыхны дыршәара. Амаҵзурауаа рзы ари ахараԥса еиҭакуп - киловатт-сааҭк азы иреиҵаӡоу аулафахәы 1000 хышәаҵышәала ишьҭыхны дыршәара рықәырҵоит. (Иреиҵаӡоу аулафахәы ахышәаҵышәа 60 мааҭ инаӡоит).

Иаку аоператор инапаҵаҟа иҟоу афымцацәаҳәақәа аҽрыԥшьразы, ахархәара азакәаншьаҭа амамзар, аиурист хаҿқәеи ахаланаплакыҩцәеи ирықәырҵоит киловатт-сааҭк азы иреиҵаӡоу аулафахәы 40 хышәаҵышәала ишьҭыхны дыршәара. Иара убри аумҭазы амаҵзурауаа киловатт-сааҭк азы иреиҵаӡоу ауалафахәы 3000 хышәаҵышәала ишьҭыхны дыршәара рықәырҵоит.

Аиҭаҽаԥшьраан административтә хара рхарарҵоит: ахаланаплакыҩцәеи аиурист хаҿқәеи атәылауааи - киловатт-сааҭк азы иреиҵаӡоу аулафахәы 50 хышәаҵышәала ишьҭыхны дыршәара, акриптавалиута арҳаразы аҽаԥшьраан амаининг хархәагақәа ықәыргоит, аконфискациа рзыруеит, Амаҵзурауаа – киловатт-сааҭк азы иреиҵаӡоу ауалафахәы 5000 хышәаҵышәала ишьҭыхны дыршәара рықәырҵоит, акриптавалиута арҳаразы аҽаԥшьраан шықәсык инаркны хышықәсанӡа рықәырҵоит. ахархәагақәа ықәыргоит, аконфискациа рзыруеит.

Рмаҵзуратә мчра рхы иархәаны абри аумҭа мҩаԥызго ахаҿқәа шықәсык инаркны хышықәсанӡа рықәырҵоит, шықәсык инаркны ҩышықәсанӡа амаҵзуратә ҭыԥ аанкылара азингьы рымамкәа, ма уи ада.

11
Атемақәа:
Аԥсны аенергетика апроблемақәа (255)
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

5
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

5