"Аԥараҭра цынхәра": Аԥсны Аҵәахырҭатә банк амаҵзура ҿыц аанартит

11
(ирҿыцуп 19:08 31.03.2021)
Амаҵзура "Аԥараҭра цынхәра" ала Аҵәахырҭатә банк аклиентцәа рԥарахсаалагаҿы аԥара нҵәазар, абанк аԥарақәа рыԥсахыр ҟалоит.

АҞӘА, хәажәкыра 31 - Sputnik, Сариа Кәарцхьиаԥҳа. Аԥсны Аҵәахырҭатә банк "Аԥараҭра цынхәра" захьӡу амаҵзура ҿыц аанартит хәажәкыра 31 инаркны. Абри атәы Sputnik акорреспондент илзеиҭеиҳәеит абанк аҳасабеилыргаҩ хада Давид Гәылариа.

Амаҵзура рхы иадырхәар ҟалоит 21 шықәса иреиҵбым, 70 шықәса иреиҳабым. Аԥараԥсахразы абанк аклиент абанк аҟәшаҿы арзаҳал иҩыроуп. Аҵәахырҭатә банк аҳасабеилыргаҩ хада иажәақәа рыла, абанк аҿы иаразнакы ирыԥхьаӡоит ауаҩы заҟа иҭара алшо. Арзаҳал аҭак ҟаҵахоит аҩбатәи амш азы.

"Аԥара абанк адебиттә ԥара-хсаалагахь инарышьҭуеит. Аԥсахратә лимит абанк аҟазауаа ишьақәдыргылоит. Иреҳау – 30 000 мааҭ итәоит. Ҳара еилҳаргоит аклиент илагалақәа, иара еиԥмырҟьаӡакәа ҳбанк ихы иаирхәозар, амаҵзура изааҳартуеит", - иҳәоит Гәылариа.

Хә-нызқь мааҭ рҟынӡа зго есыҽны жә-мааҭк акомиссиа ишәоит, 5-10 нызқь мааҭ зго – 19 мааҭ, 10-20 нызқь мааҭ зго – 39 мааҭ ишәалоит есыҽны, 20-30 нызқь мааҭ зго – икомиссиа 59 мааҭ ҟалоит.

"Ауаҩы иоуз алимит иҭагӡаны хә-нызқь мааҭ нихзар, есыҽны жәба-жәба мааҭ ишәалоит иуал хаирҭәаанӡа", - ҳәа иҳәоит Гәылариа.

Амаҵзура аҳәаақәа ирҭагӡаны аԥараԥсахра хышықәса ҿҳәараны иузымҩаԥыргоит. Аха изҭаху изы уи заа ишәахар ҟалоит. Иҟалоит аклиент абанк ахь днеины иуал ишәар, иҟалоит аулафахәы аниоуа абанк ари ауал аулафахәы иахнахыр.

Амаҵзура актәи амш азы абанк ахь иара ахархәаразы идҵаалеит ҩеижәаҩык аклиентцәа.

11
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

9
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

9