Владимир Познер Қарҭтәи ахҭыс ашьҭахь Аԥсныҟа даарыԥхьеит

8
(ирҿыцуп 17:02 01.04.2021)
Урыстәылатәи ажурналист Владимир Познер 87 шықәса ихыҵра Қарҭ иазгәеиҭарц дахьнеиз иганахьала имҩаԥыргаз акциақәа ирхырҟьаны дхынҳәыр акәхеит. Қырҭтәыла аҳҭнықалақь аҿы амитинг еиҿыркааит Познер Аԥсназы уаанӡатәи иҳәамҭак инамаданы.

АҞӘА, мшаԥы 1 - Sputnik. Аԥсны атуризм азы аминистрра Владимир Познер Қарҭ имҩаԥгаз акциа ашьҭахь Аԥсныҟа даарыԥхьеит. Sputnik Ближнее зарубежье аинтервиу анеиҭоз аминистр Ҭеимураз Хышба Познер ааԥхьара ииҭеит.

Иара оумашәа ибаны далацәажәеит кавказтәи асасдкылара шаадырԥшыз, аиҳаб иахь аҳаҭырқәҵара абасеиԥш аилагара.

"Владимир Владимир-иԥа Познер – епоха дууп. Иара Асовет еидгыла анаҩстә ҵакыраҿ иналукааша хаҿуп, адунеитә журналистикаҿ реиҳа хьӡы змоу дреиуоуп. Ҳәарада Қырҭтәыла иҟалаз ахҭысқәа оумашәа иаабоит, иҟазаратә ҩаӡара адагьы иқәра азхьаԥшра ахьаҭамыз – кавказтәи аҵасқәа аиҳабы иҭыԥ ҷыданы иалыркаауеит" ҳәа иҳәеит аминистр.

Ҭеимураз Хышба Познер имшира идиныҳәалеит.

Аԥснытәи иколлегацәа рыхьӡала Владимир Познер идныҳәалеит Аԥсны ажурналистцәа реидгылагь.

"Ҳара, шәара шәколлегацәа, шәҩызцәагь шәаргьы Аԥсныҟа шәааҳаԥхьоит. Агәра ганы ҳаҟоуп ажурналистцәа ҳадагьы атәыла ауааԥсыра зегьы шәбара ишеигәырӷьо", - ҳәа аҳәоит аидгыла ахантәаҩы Руслан Ҳашыг иааԥхьараҿы.

Урыстәылатәи ажурналист Владимир Познер, мшаԥы 1 азы 87 шықәса ихыҵра Қарҭ иазгәеиҭарц иҩызцәа иманы днеит.

Ахашаҽны ақалақь аҿы амитинг аҿы еизаз Познер Қырҭтәыла акзаара азхеиҵом, ара дыҟамзароуп ҳәа иқәгылеит. Хаҭала иазааҭгылан Познер Аԥсны ахаангьы Қырҭтәыла иатәхом ҳәа иҟаиҵахьаз аҳәамҭа.

Познери иҩызцәеи ахьаангылаз аотель ахыбра аҿагылаҩцәа акәшеит, асасцәа руаххьа еиԥырҟьеит, аџьазы Аинспекциахь адырра ҟарҵеит Познери исасцәеи "акоменданттә сааҭ" иқәымныҟәеит ҳәа. Аотельгьы ахараԥса ақәҵахеит.

Аԥшьаша еилкаахеит Владимир Познер Қырҭтәыла шаанижьыз. Ажурналисти иҩызцәеи аҳаиртә баӷәазахь аполициаа имҩаԥыргеит.

8

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

1
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

1
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

2
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

2