Аԥсны ахылаԥшратә палата 2020 шықәсазтәи агәаҭарақәа еихнашьалеит

15
(ирҿыцуп 10:19 02.04.2021)
Аԥсны ахылаԥшратә палата 2020 шықәсазы абиуџьеттә еиҿкаарақәа русушьа агәаҭаразы жәа-плантә гәаҭараки аплан иаламыз гәаҭараки мҩаԥнагеит.

АҞӘА, мшаԥы 2 - Sputnik. Аԥсны ахылаԥшратә палата 2020 шықәсазтәи агәаҭарақәа реихшьаала мҩаԥнагеит аревизиатә усбарҭа аколлегиаҿы мшаԥы 1 азы.

Аҳасабырбатә аамҭазы Аԥсны ахылаԥшратә палата абиуџьеттә еиҿкаарақәа русушьа агәаҭаразы жәа-плантә гәаҭараки аплан иаламыз гәаҭараки мҩаԥнагеит.

"Агәаҭаратә уснагӡатәқәа рҳәаа иҭагӡаны 56 обиект русушьа ҭҵаан. Жәлар Реизарахь 11 материал нашьҭуп. Заанаҵтәи аоперативтә гәаҭара аҳәаақәа ирҭагӡаны 32 хыркәшаратә ус ҳадкылан. Урҭгьы Апарламент ахь инашьҭын. Имҩаԥган аколлегиа аилатәарақәа 14. Иара убасгьы аматериалқәа ԥшьба Апрокуратура хадахьы ишьҭын. Афинансқәа рминистррахь  инашьҭын х-дыррак", - ҳәа иҳәеит Ахылаԥшратә палата ахантәаҩы Роберт Аршба.

  • Аревизиатә уснагӡатәқәа раан иаарԥшын миллиардки бжаки иреиҳаны  аилагарақәа:
  • Абиуџьеттә закәанԥҵара аилагарақәа – 390 миллион мааҭ инеиҳаны,
  • Ашәахтәқәеи аизгақәеи рзы азакәанԥҵара аилагара – 32 миллион мааҭ инеиҳаны,
  • Аҳасабеилыргаратә ҳасабырбаз азакәанԥҵара аилагара – 465 миллион мааҭ инеиҳаны,
  • Аҳәынҭқарратә хатәтәра ахархәараан аилагара – 22 миллион мааҭ инеиҳаны,
  • Хықәкылада абиуџьеттәии абиуџьетнҭыҵтәии ԥара ахархәара – 182 миллион мааҭ инеиҳаны,
  • Абиуџьеттә ԥарақәа хра рымамкәа ахархәара – 65 миллион мааҭ инеиҳаны.
  • Егьырҭ аилагарақәа – 300 миллион мааҭ инеиҳаны.

Роберт Аршба анагӡаратә мчрахьы аҳәара ҟаиҵеит Ахылаԥшратә палата иазыӡырҩырц. Иазгәеиҭеит аревизиатә усбарҭа есышықәса аилагарақәа шазгәанаҭо. Убри аан Аршба иазгәеиҭеит ҷыдала азхьаԥшра  шаҭатәу  аҳасабеилыргаратә ҳасабркра.

Ахылаԥшратә палата анапхгаҩы иажәақәа рыла, макьаназы ирацәоуп иазырхиам, ирыдкылам анормативтә актқәа.

Ахылаԥшратә палата анапхгаҩы ихаҭыԥуаҩ Зураб Оҭырба иазгәеиҭеит аревизиатә усбарҭа 2020 шықәсазтәи аҳәынҭусбарҭақәа русура агәаҭара ишацнаҵо. Акоронавирустә пандемиа иахырҟьаны Ахылаԥшратә палата планла иазгәаҭаз ауснагӡатәқәа зегьы азымҩаԥымгеит.

"Акоронавирустә пандемиа иахырҟьаны ҳусурақәа акыр ишьшьылаҳахеит, заанаҵтәи ахылаԥшреиԥш аоперативтә хылаԥшраҿгьы. Ашықәстә план нагӡамхеит. Ҳазхьымӡаз ауснагӡатәқәа 2021 шықәсахьы ииасуеит", - ҳәа иҳәеит Оҭырба.

Ахылаԥшратә палата аҳасабырбатә материалқәа Жәлар Реизарахь инашьҭуп.

15

Аԥсуа боксиор Саир Качараа Европа Аԥхьахә агаразы алшара иоуит

3
(ирҿыцуп 09:29 18.04.2021)
15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлара мҩаԥысуан мшыԥы 11 -17 рзы, Анапа.

АҞӘА, мшаԥы 18 - Sputnik. Бадри Есиава. Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит, иигаз аиааира иалнаршоит Европа Аԥхьахә аҿы иқәгылара, абри атәы Sputnik акорреспондент изеиҭеиҳәеит аспортсмен иазыҟаҵаҩцәа руаӡәк Арнольд Гәыбаз.

"Атурнир аан Саир ԥшьы-еиԥыларак мҩаԥигеит, урҭ зегьы рҿы аиааира игеит. Афинал аҟны еиԥылеит Белгородтәи аспортсмени иареи (Родион Мытник-аред.). Саир иеиндаҭлоз даара иӷәӷәан. Иаԥхьаҟа иизыԥшуп Европа Аԥхьахә аҿы ақәгылара. Саир ҩынтәуп Урыстәыла Аԥхьахә азы аиндаҭлараҟны аиааира игоижьҭеи, аха усҟан урыстәылатәи акоманда Европа Аԥхьахә агаразы имцаӡеит", - иҳәеит Гәыбаз.

© Видео Арнольд Губаз
Аԥсуа боксиор Саир Качараа 15-16 шықәса зхыҵуа рыбжьара абокс ала Урыстәыла Аԥхьахә азы аиндаҭлараҟны аиааира игеит

Гәыбаз иазгәеиҭеит, ари атурнир ахь иколлегацәеи иареи Нальчикнтәи ишааз, уаҟа абокс азы Урыстәылазегьтәи атурнир мҩаԥыргон, уи иалахәын ԥшьҩык гәдоуҭатәи аспортсменцәа- ахԥатәи аҭыԥ ааникылеит Дамеи Чамагәуа, аҩбатәи-Соломон Папба, Аинар Малиеи Даут Хагәышьи актәи аҭыԥ.

Саир Качараа 15 шықәса ихыҵуеит. Анапа имҩаԥысуаз аицлабрақәа рҟны 60 кьыла рҟынӡа зыкапан наӡо дрыцықәгылон. Аспортсмен дазыҟарҵоит Арнольд Гәыбази Алиас Агрбеи.

3

COVID-19 зцәа иалаз апациент иԥсҭазаара далҵит Аҟәатәи аинфекциатә хәышәтәырҭаҿы

5
Иҳаҩсыз уахыки-ҽнаки рыла COVID-19 рылоу ирыламу аилкааразы 187-ҩык атестқәа рзыҟаҵан, урҭ рахьтә 42-ҩык акоронавирус рцәа ишалаз аадырԥшит.

АҞӘА, мшаԥы 17 – Sputnik.  Аҟәатәи аинфекциатә хәышәтәырҭаҿы иԥсҭазаара далҵит акоронавирустә инфекциа ҿыц ззышьақәыргылаз 67 шықәса зхыҵуаз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 46-ҩык, урҭ рахьтә 36-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 25-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 36-ҩык апациентцәа, Очамчыра ирхәышәтәуеит ааҩык, Гагратәи ахәышәтәырҭаҿы - 12-ҩык, Тҟәарчалтәи ахәышәтәырҭаҿы - ҩыџьа апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Аҿкычымазара – акоронавирус Аԥсни адунеи аҿи: иалкаау

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау