Аквотақәа рыла урыстәылатәи аҵараиурҭақәа ирҭало рзы аԥышәаратә ҿҳәарақәа рылаҳәоуп
(ирҿыцуп 13:24 02.04.2021)
2021 шықәсазы урыстәылатәи аҵараиурҭақәа рҭаларазы Аԥсны иазоужьуп 52 квота, ҵыԥх 50 квота ыҟан. АҞӘА, мшаԥы 2 - Sputnik. Аԥснытәи астудентцәа, урыстәылатәи аҵараиурҭақәа рахь квотала иқәгыло аԥышәарақәа ирхысраны иҟоуп хара имгакәа ҳәа аанацҳауеит Аԥсны иҟоу Россотрудничество ахаҭарнакра Facebook аҿы.
Аԥышәарахь инашьҭхоит абитуриентцәа, занкетақәа астатус "Проверена РЗУ" аҿы иҟоу. Занкетақәа астатус "На доработке" аҿы иҟоу аԥышәарақәа рахь инарышьҭуам.
Аԥышәарақәа абри аграфик ала имҩаԥгахоит:
- Аматематика – мшаԥы 5 асааҭ 11:00,
- Ауаажәлардырра – мшаԥы 8 асааҭ 10:00,
- Химиа – мшаԥы 9 асааҭ 11:00,
- Аурыс бызшәа – мшаԥы 15 асааҭ 11:00.
Аматематикеи химиеи рзы аԥышәарақәа мҩаԥгахоит МФТИ аплатформала. Уи азы МФТИ апортал аҿы уҽҭауҩыроуп.
Ауаажәлардырреи аурыс бызшәеи рзы аԥышәарақәа мҩаԥысуеит Афинанстә Университет аплатформаҿы. Аурыс бызшәа акандидатцәа зегьы ирҭиуеит.
Афинанстә Университет аплатформахь анеиразы адыррақәа акандидатцәа ирзынашьҭхоит асистема https://education-in-russia.com.аҿы иарбо аелектронтә ԥошьҭала.
Россотрудничество ахаҭарнакраҿы иазгәарҭеит акомпиутор ззыуадаҩу акандидатцәа ААУ акомпиутортә классқәа рҿы аԥышәара мҩаԥыгар шрылшо. Уи азы аԥышәарақәа рылагара сааҭк шагу ауниверситет ахь ишнеитәу.
Иара убас шәаԥхьар ҟалоит:
Аԥсны афымцарцәара аграфик ԥсахуп
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа. АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".
Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.
- Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
- Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
- Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
- Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.
Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.
Атемақәа:
Георги Воуба аҩнытә баандаҩраҟынтә ихы дақәиҭтәуп
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.
Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.
Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.
Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.
Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.
Иара убас шәаԥхьар ҟалоит: