Шықәсык аҩныҵҟа Қырҭтәылеи Аԥсни рҳәаа закәаншьаҭада ԥшьнызқьҩык ахысит

10
(ирҿыцуп 18:31 02.04.2021)
Гал араион ахада Константин Ԥлиа Аԥсны АШәМеи Урыстәыла АШәМеи рҳәаахьчаратә усбарҭақәа алархәны аилацәажәара мҩаԥигеит.

АҞӘА, мшаԥы 2 - Sputnik. 2020 шықәса мшаԥымза аахыс Қырҭтәылеи Аԥсни рҳәааҿ закәаншьаҭада ԥшьнызқь еилагара аҭыԥ рыман ҳәа арадио Sputnik иазеиҭеиҳәеит Гал араион ахада Константин Ԥлиа.

Ԥлиа иажәақәа рыла закәаншьаҭада аҳәаа иахысуа зегьы ахараԥса рықәырҵоит, аха абыргцәа ирацәажәоит, аҭагылазаашьа реилдыркаауеит.

Араион ахада ишиҳәо ала аушьҭыгақәа рыда, ирмарианы аҳәаа иахысыр алшоит Аԥсны инхо Қырҭтәыла атәылауаа: атәанчахәы зауа, аинвалидцәа, ахшара рацәа змоу аҭаацәарақәа, зхала зыхшара зааӡо анацәа.

Аиԥылараҿы иалацәажәан аҳәаа ахысра дырмариарц аинвалидцәеи абыргцәеи мҩаԥызго ахаҿқәа рзы.

Аиԥылараҿ Урыстәыла аҳәаахьчаратә усбарҭа ахаҭарнакцәа алацәажәеит аушьҭырҭатә ҭыԥ "Егры" аҿы аԥснытәии урыстәылатәии аҳәаахьчаҩцәа русура зырманшәало атехникатә хархәага ҿыцқәа рыҟазаара атәы.

Аԥсни Урыстәылеи рҳәынҭқарратә ҳәаа аркуп хәажәкыра 14 раахыс акоронавирус алаҵәара ашәарҭаразы. Абри аамҭазы Аԥсны атәылауаа рзы изныкымкәа агуманитартә коридорқәа еиҿкаан.

Константин Ԥлиа Sputnik аинтервиу аҭо иҳәеит аҳәааҿ уаанӡатәи аусуратә режим иазыхынҳәыр шалшо уа COVID-19 агәаҭаразы амедицинатә ҭыԥ еиҿкаахар. Ԥлиа иажәақәа рыла антиковидтә ԥҟарақәа ирықәныҟәаны аусура амҩаԥгара дақәшаҳаҭуп ареспублика асанитартә ҳақьым хада Лиудмила Скорик.

Араион ахада иҳәеит асеиԥштәи аилацәажәарақәа ԥшьбарак ахь знык ишымҩаԥгахало.

10
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

2
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

2

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4