Аԥснытәи аспортсменцәа маланыҟәала аицлабраҿы рхы бзиаӡаны иаадырԥшит

12
(ирҿыцуп 09:44 05.04.2021)
Амаланыҟәатә еицлабра "10 Лье" мҩаԥысит Шәача, Формулы-1 атрассаҿы мшаԥы 3 рзы. Аԥснынтәи иара иалахәын ԥшьҩык аспортсменцәа.

АҞӘА, мшаԥы 5 – Sputnik, Асмаҭ Ҵәыџьԥҳа. Аспортсменцәа Саид Аргәын, Алан Аџьба, Асҭамур Мамед-оӷлы, Константин Миланин аиԥхныҩлара "10 Лье" алидерцәа ирыцны афиниш аҟынӡа инаӡеит ҳәа Sputnik иазеиҭеиҳәеит Мамед-оӷлы.

Посмотреть эту публикацию в Instagram

Публикация от Astamur (@astamur_010)

55 километра иҟаз аиԥхныҩлара иалахәын 150 спортсмеy. Урҭ рыгәҭа иҟан аолимпиатәии адунеитәии чемпионцәа. Константин Миланин алидерцәа рыхьӡаразы 11 секунд игхеит, Мамед-оӷлы – 16 секунд.

"Ҳара аиԥхныҩлара бзиа избо ахьҳакәу иаҿырԥшны иааҳарԥшыз арбагақәа даара ибзиоуп. Атриатлон ҳалахәхалоит, уи аҳәаақәа ирҭагӡаны маланыҟәала аиԥхныҩларагьы мҩаԥаагоит, аха ара зынӡа аҽакала имҩаԥысуан аицлабра. Еиҳа ихьанҭан, аԥҟарақәагьы уадаҩын. Ус шакәызгьы ҳхы ақәҳаршәеит. Даарагьы ҳабзиан"? - иҳәеит иара.

Аспортсменцәа рыпланқәа иреиуоуп триатлон азы Геленџьик лаҵара 21-22 рзы имҩаԥысраны иҟоу аицлабра ахалархәра.

12

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

8
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10