Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит

11
(ирҿыцуп 16:45 05.04.2021)
Амцарцәара иалахәын Гәдоуҭа ақалақь амцарцәаратә хәҭақәа ԥшьба, Гәылрыԥшь араион амцарцәаратә хәҭақәа ҩба.

АҞӘА, мшаԥы 5 - Sputnik. Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит ҳәа аанацҳауеит Аԥсны АҶА асаит.

Мшаԥы 5 азы Гәдоуҭа араион Бамбора ақыҭан уаҩ дызхымыз аҩны амца акит. Абылра шыҟалаз азы адырра ҟаҵан асааҭ 03. 26 минуҭ рзы. Амцарцәаратә машьынақәа аннеи ахыб зегьы амца акхьан.

  • Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит
  • Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит
  • Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит
  • Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит
1 / 4
Аԥсны иахьаҵанакуа уахыки-ҽнаки рыҩныҵҟа хыџьара абылрақәа ҟалеит

Амцарцәара иалахәын Гәдоуҭа ақалақь амцарцәаратә хәҭақәа ԥшьба. Аҩны хәҭак блит, аӡәгьы ааха имоуит.

Мшаԥы 4 рзгьы аҽа ҩ-былрак аҭыԥ рыман. Гәдоуҭа араион Приморское ақыҭан аҩнеихагыла амца акит. Абри азы Аԥсны АҶА ахь адырра ҟаҵан асааҭ 14:41 минуҭ рзы. Амцарцәаҩцәа ирылшеит уадак ада егьырҭ реиқәырхара. Аӡәгьы ааха имоуит.

Иара убри аҽны, мшаԥы 4 рзы Гәылрыԥшь араион Цҟыбын ақыҭан ахатәы ҩнеихагыла амца акит. Амцарцәаҩцәа рахь адырра ҟарҵеит асааҭ 14:58 минуҭ рзы. Гәылрыԥшь араион амцарцәаратә хәҭақәа ҩба ирылшеит аҩны ахыб ада аиқәырхара. Араҟагьы ԥсыҭбара ҟамлеит.

11

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

5
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

5