Ақалақьтә еизара адепутатцәа хәышықәсатәи русура аихшьаалақәа ҟарҵеит

11
(ирҿыцуп 16:52 05.04.2021)
Ақалақьтә еизара адепутатцәа хәышықәсатәи русура аихшьаалақәа ирызкыз абрифинг мҩаԥыргеит мшаԥы 5 рзы. Аизара VI ааԥхьара адепутатцәа аҵыхәтәантәи реилатәара мҩаԥысит хәажәкыра 30 рзы.

АҞӘА, мшаԥы 5 – Sputnik, Асмаҭ Ҵәыџьԥҳа. Аҟәатәи ақалақьтә еизара ахантәаҩы Дмитри Маршьан иазгәеиҭеит адепутатцәа имаҷымкәа аԥшьгамҭақәа шрымаз, аха зегьы аԥсҭазаараҿ аларҵәара шзалымшаз, аиҳаракгьы рзинмчқәа ахькьаҿу азы.

Дмитри Маршьан инаҵшьны иазгәеиҭеит, аизара адепутатцәа аулафахәы шырмоуа, аԥыжәарақәагьы шрымам. Ақалақь ахада адырра имҭакәа, уи дақәшаҳаҭымкәа афинанстә ӡбарақәа рзин рымам. Уи иахырҟьаны иҟоуп аҭагылазаашьақәа дара рхатәы биуџьет ахархәара анарҭо.

"Аусура аамҭа рацәеи аџьа хьанҭеи зҭаху акоуп. Аха ауаҩы иаамҭа зегьы иара изақәырӡуам, зегьы ҭыԥк-ҭыԥк рҿы аус аауеит. Сгәаанагарала адепутатцәа ари аус мацара иадҳәаланы иҟазароуп. Насоуп рылшарақәа анеиҳахо", - иҳәеит иара.

Адепутат Инна Кәарҷиаԥҳа лгәаанагарала адепутатцәа дасу рокругқәа рҿы абиуџьеттә лимит рымазароуп, еиҳа оперативла ауааԥсыра рҭахрақәа ирызхьаԥшларц азы. Макьаназы азакәан аҿы ари аҩыза аҭагылазаашьа арбам.

Аизара ахантәаҩы ахҳәаа аиҭеит адепутатцәа рхыԥхьаӡара 26 –ҩык рҟынтәи 19-ҩык рҟынӡа аларҟәра.

"Иҟоуп аокругқәа 800-ҩык алхыҩцәа ахьыҟоу, иҟоуп 200-ҩык ахьыҟоу. Ҳара иаҳҭахуп аиҟарара ыҟазарц. Уи адагьы адепутатцәа рхыԥхьаӡара анкьаҿхалак аконкуренциа еиҳа еиҳахоит", - иҳәоит иара.

Асҭамур Қәҭарба уи дақәшаҳаҭым. Иара игәаанагарала аокруг аҿы алхыҩцәа рхыԥхьаӡара еиҳахоит, адепутат аус здиуло аресурсқәа шыҟац иаанхоит ҳәа ишьоит иара.

Абрифинг хыркәшо адепутатцәа акандидатцәа ақәҿиарақәа рзеиӷьаршьеит. Убри аан ирҳәеит аӡәгьы ҿыц кандидатс ихы шықәимыргылаз, аус рымчи раамҭеи рацәаны ишаго. Дмитри Маршьан иазгәеиҭеит адепутат ишықәс акәымкәа хадара злоу акы аԥсахра аҭахреи аԥышәеи роуп.

Аҟәатәи ақалақьтә еизара VII ааԥхьарахь адепутатцәа ралхра мҩаԥысуеит мшаԥы 11 рзы.

11

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа

Георги Воуба аҩнытә баандаҩраҟынтә ихы дақәиҭтәуп

5
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

5